काठमाडौं- अर्जेन्टिनी फुटबल स्टार डिएगो म्याराडोनाको निधनमा विश्व फुटबलमा सर्वाधिक रुचाइएका अर्का खेलाडी ब्राजिलियन स्टार फुटबलर पेलेले भावुक श्रद्धाञ्जली व्यक्त गरेका छन्। म्याराडोनालाई श्रद्धाञ्जली दिँदै उनले भनेका छन्– ‘आश छ एक दिन माथि आएर सँगै फुटबल खेल्न पाउने छौँ।’
६० वर्षको उमेर निधन भएका म्याराडोनालाई विश्वभरबाट श्रद्धाञ्जली अर्पण भइरहेको छ। त्यसमा फुटबलकै सर्वकालीन प्रिय खेलाडी ८० वर्षका पेलेले पनि सामाजिक सञ्जालमार्फत नै श्रद्धाञ्जली दिएका हुन्।
‘असाध्यै दुःखद खबर। मैले असाध्यै राम्रो साथी गुमाएँ र विश्व फुटबलले गुमायो एक लिजेन्ड खेलाडी। भन्नुपर्ने कुराहरु धेरै छन् तर अहिलेलाई परिवारलाई धैर्यधारण गर्ने शक्ति भगवानले प्रदान गरुन्। आशा छ, एक दिन हामी माथि सँगै फुटबल खेल्न सक्नेछौँ।’
पेलेले ब्राजिलबाट १९५८, १९६२ र १९७० मा विश्वकप फुटबलको उपाधि जिताएका थिए। जहाँ म्याराडोनाले अर्जेन्टिनालाई १९८६ को विश्वकप जिताएका थिए। विश्व फुटबलमा सर्वाधिक उत्कृष्ट खेलाडी को भन्ने समर्थकहरुको बहसमा यी दुईको नाम छुट्दैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786797434.jpg)
-1786783779.jpg)
-1786602170.png)
-1786513116.png)
