काठमाडौं– मध्यपुर ठिमी नगरपालिका–१ लोकन्थलीबाट जिउँदो सालकसहित २ जनालाई बुधबार दिउँसो प्रहरीले पक्राउ गरेको छ।
पक्राउ पर्नेहरुमा काठमाडौं महानगरपालिका–२६ कपुरधारा बस्ने धादिङ शितली गाउँपालिका–३ झार्लाङदी घर भएका २७ वर्षीय धुर्वबहादुर मगर र काठमाडौं महानगरपालिका–२६ लैनचौर बस्ने धादिङका ३१ वर्षीय भिमबहादुर मगर रहेका छन्।
उनीहरुबाट विभिन्न बैंकको चेक बुक, भौचर तथा एटिएम कार्ड, १ थान नागरिकता प्रमाणपत्र, पेन ड्राइभ, ३ थान राजस्व तिरेको बिल, ४ थान मोबाइल, भिमबहादुर थापाको सवारी चालक अनुमतिपत्र तथा सशस्त्र प्रहरी बलको परिचयपत्र समेत प्रहरीले बरामद गरेको छ। थापा सशस्त्रको जवान रहेको पाइएको प्रहरीले जनाएको छ।
विशेष सूचनाको आधारमा महानगरीय प्रहरी परिसर भक्तपुरबाट खटिएको प्रहरीले उक्त सालक लिएर हिँडिरहेको अवस्थामा उनीहरुलाई पक्राउ गरेको हो।
उनीहरुलाई थप अनुसन्धान तथा कारवाहीको लागि जिल्ला वन कार्यालय भक्तपुर पठाइने जिल्ला प्रहरी कार्यालय भक्तपुरले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
