बुटवल- अर्थमन्त्री तथा नेपाल कम्युनिस्ट पार्टी नेकपाका महासचिव विष्णु पौडेलले आफ्नो पार्टीमा लिकबाहिर जान लागेको एकतालाई फेरि लिकमा नै फर्काउने प्रयास जारी भएको बताएको छन्। मंगलबार साँझ बुटवलमा पत्रकारसँग कुराकानी गर्दै पौडेलले यस्तो बताएका हुन्।
‘लिक बाहिर जान थालेको एकतालाई फेरि लिकमा लैजाने प्रयास जारी छ,’ पत्रकारहरूसँग नेता पौडेलले भने। आफ्नो पार्टी कल्पना गरिएको भन्दा पनि फरक ठाउँमा पुगेको भएपनि फेरि ट्र्याकमा फर्काउने प्रयास भइरहेको बताए।
नेतृत्व तहमा मर्यादाको सीमा नाघिएको कारण पार्टी एकता झन्डै दुर्घटनाको अवस्थामा पुगेको उनको भनाइ थियो। पार्टीका छलफल र बहसलाई एकताका पक्षमा केन्द्रित गर्न आवश्यक भएको उनको भनाइ छ।
नेता कार्यकर्ता एकताका पक्षमा भएपनि नेतृत्वले त्यो विषयलाई सही ढंगले लिन नसकेको उनको दुखेसो थियो। ‘कार्यकर्ता र नेताहरू पाटीमा एकताको पक्षमा छन्। एकतालाई जोगाउदै अझ मजबुद बनाउने प्रयास जारी छ।’
उनले प्रधानमन्त्री केपी शर्मा ओली र कांग्रेस सभापति शेरबहादुर देउवाबीचको भेट पनि संवैधानिक र स्वाभाविक भएको टिप्पणी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
