काठमाडौं- मंगलबार थप २ हजार ७९१ जना कोरोना संक्रमणमुक्त भएका छन्। योसँगै नेपालमा कुल निको हुनेको संख्या २ लाख ४ हजार ८५८ पुगेको छ।
पछिल्लो २४ घण्टामा नेपालमा १ हजार ७९० जना कोरोना संक्रमित भेटिएका छन्। योसँगै नेपालमा कुल संक्रमितको संख्या २ लाख २४ हजार ७८ पुगेको स्वास्थ्य तथा जनसंख्या मन्त्रालयले जानकारी दिएको छ।
नेपालमा मंगलबार थप २४ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ३ सय ६१ पुगेको स्वास्थ्य तथा जनसंख्या मन्त्रालयले अद्यावधिक गरेको तथ्यांकमा उल्लेख छ।
नेपालमा हालसम्म १६ लाख ८१ हजार २९९ जनाको पिसिआर परीक्षण भएको छ। हाल क्वारेन्टाइनमा ६२७ रहेको मन्त्रालयले जनाएको छ। नेपालमा हालसम्म कुल संक्रमितमध्ये १७ हजार ८५९ जना सक्रिय संक्रमित छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।