एजेन्सी–आगामी जनवरी २० मा सत्ता सम्हालेपछि जो बाइडेनको मन्त्रिपरिषद्मा रहने केही नामहरु सार्वजनिक गरिएको छ उनको संक्रमणकालीन टिमले प्रेस विज्ञप्तिमार्फत् नाम सार्वजनिक गरेको हो।
ओबामा प्रशासनको दोस्रो कार्यकालमा विदेशमन्त्री रहेका जोन केरीले जलवायु परिवर्तनसम्बन्धी विषय सम्हाल्नेछन्। सन् २०१५ मा अमेरिकाका तर्फबाट जलवायु परिवर्तनसम्बन्धी पेरिस सम्झौतामा हस्ताक्षर गरेका उनलाई जलवायु परिवर्तनसम्बन्धी आफ्नो दूतका रुपमा बाइडेनले चयन गरेका हुन्। जोन केरी सन् २००४ मा राष्ट्रपति उम्मेदवार थिए।
यस्तै, अवरिल हेन्सले राष्ट्रिय गुप्तचर संस्था सम्हाल्नेछिन्। उनी यो सस्थाको नेतृत्व गर्ने पहिलो महिला हुनेछिन्। यस्तै, लामो समयसम्म बाइडेनको सहयोगी रहेका एन्टोनी ब्लिंकेन विदेशमन्त्री नियुक्त हुनेछन्। उनी ओबामा प्रशासनमा उपविदेशमन्त्री र उपराष्ट्रिय सुरक्षा सल्लाहकार रहेका थिए। त्यसअघि उनी द न्यू रिपब्लिक पत्रिकाका संवाददाता थिए।
यस्तै, एलेजाण्ड्रो मायोरकासले गृहमन्त्रालय सम्हाल्नेछन् भने ज्याक सुलिभानलाई राष्ट्रिय सुरक्षा सल्लाहकार टिममा चयन गरिएका छ। उनी ओबामाको दोस्रो कार्यकालमा बाइडेनका सुरक्षा सल्लाहकार थिए। लिण्डा थोमस ग्रीनफिल्डलाई संयुक्त राष्ट्रसंघका लागि राजदूत चयन गरिएको छ।
आफ्नो टिमको घोषणापछि सम्बोधन गर्दै बाइडेनले भने, ‘मलाई पहिलो दिनदेखि नै अमेरिकालाई पुनः शीर्ष स्थानमा पुर्याउने टिम आवश्यक छ, जो सबैभन्दा ठूलो चुनौतीको सामना गर्न तयार होस् र सुरक्षा, समृद्धि र हाम्रो मूल्यमान्यतालाई अगाडि लिएर जान तयार होस्।’
यसैबीच आगामी डिसेम्बर १४ मा अमेरिकी राष्ट्रपति निर्वाचनका विजेता घोषणा गरिनेछ। निर्वाचनमा बाइडेनले ३०४ र ट्रम्पले २३२ इलेक्टोरल मत प्राप्त गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
