काठमाडौं-विश्वका विभिन्न मुलुकमा कोरोनाबाट संक्रमित नेपालीमध्ये ९१ प्रतिशत कोरोनामुक्त भएका छन्। गैरआवासीय नेपाली संघ अन्तर्गतको स्वास्थ्य समितिका अनुसार शनिबार साँझसम्म ४५ मुलुकमा ४६ हजार ५ सय ७८ जना गैरआवासीय नेपाली संक्रमित भएकोमा हालसम्म ४२ हजार ८ सय ३ जना संक्रमणबाट मुक्त भएका हुन्।
हालसम्म विभिन्न १९ देशमा रहेका २ सय ९३ नेपालीको कोरोना संक्रमणका कारणले मृत्यु भएको छ।
समितिका अनुसार कोरोना भाइरसका कारणले हालसम्म सबैभन्दा बढी साउदी अरबमा ८४ जना, बेलायतमा ६९ जना र भारतमा ४० नेपालीको निधन भएको छ। भारतमा निधन भएका ४० मध्ये १० जना महिला भएको नयाँदिल्लीस्थित अलइन्डिया इन्सिच्यूट अफ साइन्समा कार्यरत डा.सागर पौडेलले जानकारी दिए।
समितिका संयोजक डा. सापकोटाका अनुसार यो साता स्पेन, युके, युएई, कतार, साउदी अरब र जापानमा थप संक्रमण देखिएको छ । यसका साथै नेपाली समुदायमा संक्रमण देखिएको देशको सूचीमा नर्वे पनि थपिएको छ । संघ अन्तर्गतको स्वास्थ्य समितिले विदेशस्थित नेपाली कूटनीतिक नियोग, गैरआवासीय नेपाली संघका राष्ट्रिय शाखा, विदेशका विभिन्न अस्पतालमा कार्यरत नेपाली चिकित्सक, सामाजिक संघसंस्था लगायतबाट प्राप्त सूचनाका आधारमा ३२ सातादेखि लगातार विदेशमा कोरोना भाइरसबाट प्रभावित नेपालीहरुको तथ्यांक संकलन गर्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
