एजेन्सी–अमेरिकी राष्ट्रपति डोनाल्ड ट्रम्पका ठूलो छोरा डोनाल्ड ट्रम्प जुनियरलाई कोरोना संक्रमण भएको छ। ४२ वर्षीय ट्रम्पमा यसै साताको सुरुमा संक्रमण पुष्टिपछि क्वारेन्टाइनमा बसेका छन्।
उनमा अहिलेसम्म कुनै लक्षण नदेखिएको र कोभिड प्रोटोकलको सबै नियम पालना गरिरहेको उनका प्रवक्ताले जनाएका छन्। उनकी पत्नी किम्बर्ली गिलफायल संक्रमित छन् या छैनन् भन्नेबारे भने स्पष्ट छैन। फक्स न्युजकी पूर्व एंकर गिलफायल गत जुलाईमा संक्रमित भएकी थिइन्। उनी पूर्ण रुपमा निको भइसकेकी थिइन्। त्यतिबेला ट्रम्प जुनियरलाई संक्रमण भएको थिएन।
शुक्रबार नै राष्ट्रपति ट्रम्पका विशेष सल्लाहकार एन्ड्र्यु गिलियानीले पनि आफू संक्रमित भएको बताएका थिए। गिलियानी ट्रम्पका निजी वकिल रुडी गिलियानीका छोरा हुन्। उनमा संक्रमणको हल्का लक्षण देखिएको बताइएको छ।
सिबिएस न्युजका अनुसार ह्वाइटहाउसमा कम्तिमा पनि चार जनामा संक्रमण देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
