काठमाडौं– देशभर लक्षण भएका कोरोना संक्रमितको संख्या बढेसँगै आइसियूमा र भेन्टिलेटरमा उपचार गर्नेको संख्या पनि बढ्न थालेको छ। स्वास्थ्य तथा जनसंख्या मन्त्रालयका अनुसार देशभर ४ सय ६६ सय जना कोरोना संक्रमित विभिन्न अस्पतालको आइसियू र भेन्टिलेटरमा उपचाररत छन्।
मन्त्रालयको तथ्यांक अनुसार ६३ जना भेन्टिलेटरमा र ४ सय ३ जना संक्रमित आइसियूमा उपचाररत रहेका छन्।
आइसियूमा रहेका संक्रमितको संख्या सबैभन्दा बढी बागमती प्रदेशमा १७७ जना आइसियू र ३८ जना भेन्टिलेटर, लुम्बिनी प्रदेशमा ५९ जना आइसियू र ५ जना भेन्टिलेटरमा, प्रदेश १ मा ४८ जना आइसियू र ६ जना भेन्टिलेटरमा र प्रदेश २ मा १२ आइसियू र १ जना भेन्टिलेटरमा उपचाररत रहेको मन्त्रालयले जनाएको छ।
यस्तै सुदुरपश्चिममा ७ आइसियू र १ जना भेन्टिलेटरमा, गण्डकी प्रदेशमा ८८ आइसियू र १२ जना भेन्टिलेटरमा र कर्णाली प्रदेशमा १२ आइसियू उपचाररत रहेका छन्।
बिहीबार ४ सय ४२, बुधबार ३ सय ८०, मंगलबार ३ सय ५६ जना मानिस आइसियू र भेन्टिलेरमा उपचारत रहेका थिए।
नेपालमा २ लाख १६ हजार ९ सय ६५ जना मानिस कोरोना भाइरसबाट संक्रमित भएका छन्। जसमध्ये १ लाख ९१ हजार २ जना निको भएर घर फर्किसकेका छन् भने १ हजार २ सय ९८ जनाको मृत्यू भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
