फाइल तस्बिर
काठमाडौं- राष्ट्रिय जनमोर्चाका अध्यक्ष चित्रबहादुर केसी कोरोना संक्रमणबाट गम्भीर बिरामी भएका छन्। केही दिनबाट निमोनिया रोगबाट ग्रस्त भएका केसीको स्वाब परीक्षण गर्दा मंगलबार कोरोना पोजेटिभ रिपोर्ट आएको हो।
पहिलेदेखि नै विभिन्न स्वास्थ्य समस्या रहेका केसीको मेडिसिटी अस्पतालको आइसोलेसनमा उपचार भइरहेको पार्टीका कार्यकारी अध्यक्ष एक विज्ञप्ति जारी गर्दै जानकारी दिएका छन्।
लामो समयसम्म अस्पतालमा राखी उपचार गर्नुपर्ने भएपछि पार्टील सहयोगका लागि अपिल समेत गरेको छ। बुधबार बसेको पार्टीको बैठकले अध्यक्ष केसी उपचारमा लाग्ने खर्च जुटाउन सहयोग संकलन सुरु गर्ने समेत निर्णय गरेको छ। उनको उपचारमा सहयोग गरिदिन पार्टीका कार्यकर्ता र शुभचिन्तकलाई अनुरोध गरिएको छ।
उनको उपचारमा सहयोग गर्न चाहनेले राष्ट्रिय जनमोर्चाका नाममा राष्ट्रिय वाणिज्य बैंकको नयाँ बानेश्वर शाखामा रकम जम्मा गर्न सक्ने पार्टीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
