काठमाडौं– छैटौं धारा नेपालगञ्ज म्याराथन प्रतियोगिता मंसिर ६ गते शनिबार हुने भएको छ।
क्रिएटिभ ह्यान्ड्सले आइतबार पत्रकार सम्मेलन गरी देशमा कोरोना भाइरसको संक्रमण बढेपनि प्रतियोगिता आयोजना गर्न लागिएको जानकारी दिएको हो।
नेपाल एथ्लेटिक्स संघबाट मान्यताप्राप्त नेपालगन्ज म्याराथन आयोजनाका लागि राष्ट्रिय खेलकुद परिषद् (राखेप) बाट स्वीकृति लिइसकेको पनि आयोजकले जानकारी दिएको छ। यो प्रतियोगितालाई नेपाल ओलम्पिक कमिटी (एनओसी) ले ओलम्पिक छनोटका रुपमा समेत लिएको छ आयोजकको दाबी छ।
यसअघिको विधाहरुमा यो पटक कोरोनाको कारण घटाएको छ। यो संस्करणमा पुरुष खुल्लातर्फ म्याराथन, महिलाको हाफम्याराथन र ३ किलोमिटरको कर्पोरेट दौडलाई मात्रै समावेश गरेको छ। गत वर्ष ५ किलोमिटर महिला तथा पुरुषको स्कुल स्तरीय तथा खुल्ला दौड, त्यसैगरी ८ देखि १२ बर्ष उमेर समुहको पनि दौड र शारीरिक रुपले अशक्तहरुको लागि पनि दौड स्पर्धा समावेश गरेएको थियो।
नेपालगञ्ज उपमहानगरपालिका नजिक बीपीचोकदेखि सुरु भई कोहलपुर चौराहदेखि उत्तरतर्फ पुगी सोही रुट हुँदै पुनःबीपीचोकमा पुगेर सकिने म्याराथनमा राष्ट्रियस्तरका धावकहरु सहभागि हुनेछन्। म्याराथनमा लुम्बनी, कर्णाली, प्रदेश ७ का खेलाडीहरुले भाग लिदै आएका छन्।
नेपालगञ्ज म्याराथनको पहिलो संस्करणमा नेपाली सेनाका होमलाल श्रेष्ठ, दोस्रो संस्करणमा सेनाकै कृष्ण बस्नेत, तेस्रो संस्करणमा जुम्लाका दुर्ग बुढा, चौथो संस्करणमा नेपाल पुलिस क्लबका भुमिराज राई र र पाँचौं संस्करणमा सेनाका नवराज साउद विजेता भएका थिए।
त्यस्तै महिला हाफ म्याराथनमा नेपालकी नम्बर एक धाविका कान्छीमाया कोजु दुई संस्करणमा विजेता भइसकेकी छिन्। गत संस्करणमा सेनाकी पूर्णलक्ष्मी न्यौपानेले जितेकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1777595787.png)
