काठमाडौं- सहरी विकास राज्यमन्त्री रामवीर मानन्धरले काठमाडौं उपत्यकालाई संस्कृति र सभ्यताको सहरका रूपमा विकास गरिने बताएका छन्। विश्व सहरी दिवसका सन्दर्भमा आइतबार बिहान काठमाडौंको बालाजुमा सञ्चारकर्मीसँग कुरा गर्दै मन्त्री मानन्धरले यस्तो बताएका हुन्।
राजधानी उपत्यकालाई आधुनिक सहरीकरणसँगै संस्कृति र सभ्यताको सुन्दर सहर बनाउन मन्त्रालयले गुरुयोजना बनाएको समेत उनको भनाइ छ। राजधानीलाई आधुनिक र व्यवस्थित बनाउन थप योजना बनाइने समेत उनले प्रतिबद्धता जनाए।
काठमाडौं सहरको दिर्घकालीन व्यवस्थापनका लागि विभिन्न नदी किनार भएर करिडोर निर्माणलाई तिव्रता दिने र व्यवस्थित तथा आधुनिक पार्कीङ निर्माणका लागि स्थानीय तहसँग मन्त्रालयले समन्वय थालेको जानकारी पनि उनले दिए। धोबीखोला तथा टुकुचाको व्यवस्थापनका लागि पनि आवश्यक काम भइरहेको बताउँदै जनताले महसुस गर्ने गरी काम भइरहेको उनको दाबी छ।
काठमाडौं उपत्यकाको समस्याको रुपमा रहेको फोहर व्यवस्थापनका लागि मन्त्रालयले बन्चरेडाँडा ल्यान्डफिल्ड साईट निर्माणलाई तिव्रता दिएको बताउँदै मन्त्री मानन्धरले अबको महिना दिनभित्रमा पहिलो फेजको निर्माण सकिने उल्लेख गरे। सुन्दर शहरका लागि फोहर व्यवस्थापन पहिलो सर्त भएको बताउँदै मन्त्री मानन्धरले पचासौं वर्षका लागि योजनासहित ल्यान्डफिल्ड सञ्चालनमा आउने बताए।
नेपाल सरकारले अहिले देशका विभिन्न स्थानीय तहमा ७० वटा आधुनिक शहरको परिकल्पना गरि काम अघि बढाएको छ। मन्त्री मानन्धरले उपत्यकाको जनचाप कम गर्न र व्यवस्थित बसोबासका लागि राजधानी उपत्यकासँग जोडिएका स्थानमा वैकल्पिक सहर निर्माणलाई तिव्रता दिइने उल्लेख गरे।
उनले मध्यपहाडी लोकमार्ग अन्तर्गत विभिन्न दश स्थानमा बन्न लागेको पूर्वाधारसहितको आधुनिक शहर निर्माणको कामलाई तीव्रता दिइएको बताए। जनताको समृद्धिको सपनासँग जोडिएको आधुनिक र व्यवस्थित सहरीकरणका लागि सरकारले विभिन्न स्थानिय तहमा व्यवस्थित सहरीकरणको परिकल्पना गरिएको पनि मन्त्री मानन्धरको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768807389.png)
-1768806257.gif)
-1764146706.png)
