फाइल तस्बिर
काठमाडौं- पछिल्लो २४ घण्टामा थप २ हजार २६४ जना कोरोना संक्रमणमुक्त भएका छन्। देशका विभिन्न संस्थागत तथा होम आइसोलेसनमा रहेका उनीहरू संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।
योसँगै नेपालमा १ लाख ३१ हजार २२२ जना संक्रमित उपचारपछि निको भएका छन्।
पछिल्लो २४ घण्टामा देशभर २ हजार ५०८ जना संक्रमित भएका छन्। योसँगै नेपालमा कुल संक्रमितको संख्या १ लाख ७० हजार ७४३ पुगेको छ। पछिल्लो २४ घण्टामा काठमाडौं उपत्यकामा १३५७ कोरोना संक्रमित थपिएका छन्। काठमाडौंमा १ हजार १ सय १३, भक्तपुरमा ४९ र ललितपुरमा १९५ जना थप संक्रमित भेटिएको स्वास्थ्य तथा जनसंख्या मन्त्रालयले जानकारी दिएको हो।
हाल देशभर ३८ हजार ५ सय ८४ जना सक्रिय संक्रमित छन्। हालसम्म पिसिआर परीक्षण हुनेको संख्या १४ लाख ४३ हजार ३४३ पुगेको छ। हाल क्वारेन्टाइनमा रहनेको संख्या २ हजार ४ सय १० रहेको मन्त्रालयले जनाएको छ।
नेपालमा थप १७ जना कोरोना संक्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ९ सय ३७ पुगेको स्वास्थ्य तथा जनसंख्या मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769160438.png)
-1769159796.png)
-1769158577.png)
-1769156588.png)
-1764146706.png)
