काठमाडौं- प्रशिक्षण खेलका लागि बोलाइएका ३४ फुटबल खेलाडीमध्ये ५ खेलाडीमा संक्रमण पुष्टि भएको छ। अखिल नेपाल फुटबल संघले बंगलादेशसँग मैत्रीपूर्ण खेलको प्रारम्भिक चरणका लागि बोलाएका ५ खेलाडीमा कोरोना पुष्टि भएको एन्फाले जनाएको हो। तर खेलाडीको नाम भने सार्वजनिक गरिएको छैन।
प्रशिक्षणको पहिलो दिन ४ जना खेलाडीमा कोरोना देखिएकोमा फेरि शुक्रबार थप एक जना खेलाडीमा कोरोना पोजेटिभ देखिएको टोलीका व्यवस्थापक मधुसुदन उपाध्यायले जानकारी दिए। अहिले उनीहरू पाँचै जना आइसोलेसनमा रहेका छन्।
मैत्रीपूर्ण खेलका लागि प्रशिक्षक बाल गोपाल महर्जनले टोलीलाइ अभ्यास गराइरहेका छन्।
गत चैतमा सरकारले लकडाउनको घोषणा गरेसँग खेलकुद क्षेत्र ठप्प भएका थियो जसमा फुटबल पनि परेको थियो। दक्षिण एसियाली मुलुक बंगलादेशले दुई मैत्रीपूर्ण खेलका लागि नेपाललाई प्रस्ताव गरेपनि सरकारको अनुमति नपाएपछि एन्फाले कुनै निर्णय लिन सकेको थिएन।
सरकारले दशै लगत्तै प्रशिक्षणको अनुमति दिएसँगै एन्फाले बिहीबारबाट प्रशिक्षण आरम्भ गरेको हो। खेल कार्तिक २८ र मंसिर २ गतेका लागि तय भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
-1791090469.jpeg)
