काठमाडौं- अमेरिकी मोटरसाइकल उत्पादक कम्पनी हार्ले डेभिट्सन र भारतीय मोटरसाइकल उत्पादक हिरो मोटोकर्पबीच सम्झौता भएको छ। उक्त समझदारीसँगै भारतमा हार्लेका मोटरसाइकल बिक्री र सर्भिसको जिम्मा हिरोले लिएको छ। हिरो मोटोकर्प भारतको सबैभन्दा धेरै मोटरसाइकल बिक्रेता कम्पनी हो।
दुई कम्पनीबीच भएको सम्झौता अनुसार अब भारतमा हिरोको नेटवर्कमार्फत हार्ले डेभिडसनका मोटरसाइकल बिक्री तथा सर्भिस उपलब्ध हुनेछ। हार्ले डेभिडसनको बिक्री र सर्भिसका लागि हिरोले सोही अनुसारको संरचना बनाउने छ।
भारतीय बजारका लागि सस्तो सेगमेन्टको मोटरसाइकल बनाउदै आएको हिरोले भने हार्लेसँगको सम्झौतापछि प्रिमियम मोटरसाइकल समेत उत्पादन गर्नेछ। हिरोले आगामी दिनमा प्रिमियम मोटरसाइकलको एक सिरिज निर्माण गर्ने उल्लेख गरिएको छ।
नयाँ समझदारीपछि हिरो मोटोकर्प प्रिमियम मोटरसाइकल सेगमेन्टमा प्रवेश गर्ने छ। हिरोका मोटरसाइकल नेपालमा एनजिएम हिरोले बिक्री गर्दै आएको छ। त्यस्तै हार्ले डेभिडसनका मोटरसाइकल समेत आधिकारिक बिक्रेता मार्फत बिक्री हुँदै आएको छ। हार्लेका मोटरसाइकल आइएमई समुहले बिक्री गर्दै आएको छ। दुई कम्पनीको सम्झौताले भारत बाहेकका अन्य बजारमा कुनै असर नगर्ने देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
