काठमाडौं–इन्डियन प्रिमियर लिग (आईपीएल) मा अंक तालिकामा पुछारमा रहेको राजस्थान रोयलले शीर्षस्थानमा रहेको मुम्बई ईन्डियन्सलाई हराउन सफल भएको छ।
आइतबार राति भएको खेलमा बेन स्टोक्सको शतकीय पारी खेपेर टीमलाई जित दिलाएका थिए। उनको शतकको मद्दतले राजस्थान रोयल्सले आइपिएलमा पाँचौ जित निकालेको हो। दुवईको सेइख जायेद स्टेडियममा आइतबार राति भएको खेलमा स्टोक्सले शतकीय पारी खेल्दा राजस्थानले शीर्ष स्थानको मुम्बई इन्डियन्सलाई ८ विकेटले पराजित गर्दै सिजनको पाँचौ जित निकालेको हो।
मुम्बईले दिएको १ सय ९६ रनको विशाल लक्ष्य पछ्याएको राजस्थानले १८.२ ओभरमा मात्र दुई विकेट गुमाउँदै लक्ष्य भेट्याएको हो । राजस्थानको जितका लागि स्टोक्स र सन्जु सामसनले १५२ रनको साझेदारी गरे ।
स्टोक्सले ६० बलमा १४ चौका र ३ छक्का प्रहार गर्दै १०३ रनको अविजित शतकीय पारी खेलेका हुन् । त्यस्तै सामसनले ३१ बलमा ४ चौका र ३ छक्काको मद्दतमा अविजित ५४ रनको योगदान दिए।
राजस्थानले पहिलो विकेटको रुपमा रोविन उथप्पालाई १३ रनमा गुमाएको थियो। त्यस्तै दोस्रो विकेटका रुपमा कप्तान स्टिभ स्मिथलाई गुमाएपछि सामसन क्रिजमा आएका थिए, जहाँ सामसन र स्टोक्सले उत्कृष्ट साझेदारी गरे । मुम्बईका लागि दुवै विकेट जेम्स पाटिन्सनलेले दिएका थिए।
यसअघि टस जितेर पहिले ब्याटिङ गर्ने निर्णय गरेको मुम्बईले हार्दिक पाण्डेयको अर्धशतकको सहयोगमा १९५ रन जोडेको थियो । पहिलो इनिङ्समा ब्याटिङ गर्दै मुम्बईले निर्धारित २० ओभरमा ५ विकेट गुमाउँदै १९५ रन जोडेको थियो ।
मुम्बईका लागि सुर्यकुमार यादवले ४० रनको योगदान दिए । उनले २६ बलमा ४ चौका र एक छक्का प्रहार गर्दै ४० रन जोडेका हुन् । त्यस्तै ओपनर ब्याट्सम्यान इसान किसनले ३७ रनको योगदाना दिए । उनले ३६ बलमा ४ चौका र एक छक्काको मद्दतमा ३७ रनको पारी खेले। सौरभ तिवारीले ३५ बलमा ४ चौका र एक छक्का ३४ रन जोडे ।
क्निट्न डि कँक र कायरन पोलार्ड समान ६–६ रनमा आउँट हुँदा हार्दिक पाण्डेयले ६० रनको आक्रमक अविजित पारी खेले । उनले २१ बलमा २ चौका र ७ छक्का प्रहार गर्दै ६० रनको अविजित पारी खेले।
त्यस्तै कुर्नाल पाण्डेय ३ रनमा अविजित रहे। राजस्थानका लागि जोफ्रा आर्चर र श्रेयस गोपालले समान दुई–दुई विकेट लिए । कार्तिक ट्यागीले एक विकेट लिए।
यस जितसँगै राजस्थानले १२ खेल खेल्दै पाँचमा जित र सात खेलमा हारसहित १० अंक जोडेर तालिकाको छैटौं स्थानमा उक्लिएको छ । ११ खेल खेलेको मुम्बई भने १४ अंक जोड्दै रन शीर्ष स्थानमा यथावत छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751963591.png)
-1751879619.webp)
-1749826086.png)
