काठमाडौं–इंग्लिस प्रिमियर लिग फुटबलअन्तर्गत आइतबार राति भएको खेलमा शीर्ष स्थानको एभर्टन पराजित भएको छ। घरेलु मैदानमा भएको खेलमा साउथह्याम्पटनले एभर्टनलाई २–० ले पराजित गरेको हो।
साउथह्याम्पटनका लागि २७ औँ मिनेटमा जेम्स वार्ड प्रावसी र ३५ औँ मिनेटमा ची एडम्सले गोल गरे । दुवै गोलका लागि ड्यानी इनग्सले सहयोग गरेका थिए ।
एभर्टन प्रिमियर लिगको यो सिजनमा एक मात्र अपराजित क्लब थियो। उसको अपराजित यात्रा आइतबारबाट टुंगिएको छ । ७२ औँ मिनेट लुकास डिग्नी सिधै रातो कार्ड पाएर मैदानबाट बाहिरिए।
हारपछि पनि शीर्ष स्थानमा कायम रहेको एभर्टनको ६ खेलबाट १३ अंक रहेको छ । दोस्रो स्थानको लिभरपुलको पनि समान १३ अंक नै रहेको छ ।
लिगअन्तर्गत आइतबार राति नै भएको खेलमा वुल्भ्स र न्यूक्यासलले १–१ को बराबरी खेलेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789383080.png)
