काठमाडौं– इटालियन क्लब युभेन्टसले क्रिष्टियानो रोनाल्डो विनै च्याम्पियन्स लिग फुटबलमा विजयी सुरुवात गरेको छ। मंगलबार राति भएको खेलमा युभेन्टसले डायनामो किभलाई २–० गोलअन्तरले पराजित गरेको हो।
युक्रेनको डायनामो किभविरुद्ध युभेन्टसको जितमा अल्भारो मोरटाले दुई गोल गरे। उनकै गोलमा युभेन्टसले जित निकालेको हो। पहिलो हाफमा गोलरहित बराबरी खेलेको युभेन्टसले दोस्रो हाफमा दुई गोल गर्दै च्याम्पियन्स लिगमा विजयी सुरुवात गरेको हो।
खेलको ४६ औं मिनेटमा मोरटाले गोल गर्दै युभेन्टसलाई १–० गोलको अग्रता दिलाए। खेलको ८४ औं मिनेटमा मोरटाले व्यक्तिगत दोस्रो गोल गर्दै समूह ‘जी’ मा रहेको युभेन्टसलाई २–० गोलको जित दिलाए।
युभेन्टसका फरवार्ड रोनाल्डोलाई करिब एक साताअघि कोरोना भाइरस संक्रमण देखिएको थियो। नेसन्स लिग फुटबलमा फ्रान्सविरुद्ध पोर्चुगलले गोलरहित बराबरी खेल्दा रोनाल्डो टोलीमा थिए। त्यसपछिको परिक्षणमा भने रोनाल्डोलाई कोरोनासँगै उनी होम आइसोलेसनमा बस्दै आएका छन्। कोरोना संक्रमणकै कारण युभेन्टस टिम बाहिर रोनाल्डो छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
