काठमाडौं–कोरोनाको उपचार व्यक्ति स्वयंले गर्नुपर्ने सरकारी निर्णय गैरजिम्मेवारी भएको नेपाल विद्यार्थी संघले जनाएको छ।
सरकारी निर्णय निर्लज्जताको पराकाष्ठा र नागरिकप्रतिको दायित्वबाट सरकार पूर्णच्युत भएको संघले आरोप लगाएको छ। आधारभूत सार्वजनिक सेवाअन्तर्गत पर्ने न्यूनतम दायित्वबाट सरकार पन्छिएको संघले विज्ञप्तिमार्फत् जनाएको छ। संविधानको मौलिक हक र सर्वोच्च अदालतको आदेश सरकारले बेवास्ता गरेको संघकाे आराेप छ। सर्वोच्च अदालतको आदेशलाई कार्यान्वयन नगरि सरकार दायित्वबाट भागेको संघको ठहर छ।
सरकारको पछिल्लो निर्णय नागरिकको स्वास्थ्य सेवा र बाँच्न पाउने हकविरुद्ध भएको संघले जनाएको छ। संक्रमितको नि:शुल्क उपचारको व्यवस्था पूर्ववत लागू गर्न संघले सरकारसँग माग गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
