काठमाडौं- नेपाल शिक्षक महासंघले संविधानबमोजिम संघीय शिक्षा ऐन चाँडो ल्याउन आग्रह गरेको छ।
नेपाल राष्ट्रिय शिक्षक संगठन, काठमाडौं महानगर समितिले शनिबार भर्चुअलरुपमा आयोजना गरेको ‘समसामयिक शैक्षिक सवालमा महासंघ तथा संगठनको भूमिका विषयक’ अन्तरक्रियामा महासङ्घका अध्यक्ष बाबुराम थापाले सरकारले संघीय शिक्षा ऐन ल्याउन ढिलाइ गर्न नहुने बताएका हुन्। उनले शिक्षकहरुको पेशागत हकहितका लागि सरकारसँग विगतमा भएका सहमतिको पालना हुनुपर्नेमा पनि जोड दिए।
सङ्गठनका राष्ट्रिय अध्यक्ष लक्ष्मण शर्माले कोभिड- १९ पछिको विषम स्थितिमा पनि आफूहरुले ‘ननिदाएका शिक्षकहरु’ जस्ता मौलिक कार्यक्रम सञ्चालन गर्नुका साथै विद्यार्थीलाई वैकल्पिक माध्यमबाट पठनपाठनमा दत्तचित्त भएर लागेको बताए। महानगर समितिका अध्यक्ष डिल्ली शर्माले कोभिड १९ पछिको स्थितिमा शिक्षक सङ्गठनहरुले थप सक्रिय भूमिका निर्वाह गर्नुपर्ने उल्लेख गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
