काठमाडौं– दिल्ली क्यापिटल्सका लेग स्पिनर सन्दीप लामिछाने इन्डियन प्रिमियर लिग (आइपिएल) क्रिकेटमा डिफेन्डी च्याम्पियन मुम्बई इन्डियन्सविरुद्ध पनि प्लेइङ सेटमा परेका छैनन्।
टस जितेर ब्याटिङ गर्ने निर्णय गरेको दिल्लीले लगातार सातौं खेलमा पनि सन्दीपलाई खेलाएको छैन। दिल्लीले रिषभ पन्त घाइते हुँदा दुई खेलाडी परिवर्तन गरेको छ। रिषभ पन्तको स्थानमा विकेटकिपर ब्याट्सम्यान एलेक्स क्यारीलाई टिममा राख्दा सिमरन हिटम्यर भने बाहिरिएका छन्।
चार विदेशीको कोटा मात्रै भएको विकेटकिपर ब्याट्सम्यान रिषभको स्थानमा एलेक्स आएका हुन् एलेक्स आएसँगै सिमरन बाहिरिएका हुन् भने उनको स्थानमा अजिंक्या रहानेले मौका पाएका छन्।
दिल्ली छैटौं जितको खोजीमा छ। मुम्बईलाई पराजित गर्दै दिल्ली शीर्ष स्थानमा कायमै रहन चाहन्छ। तर मुम्बई भने दिल्लीलाई पराजित गर्दै शीर्ष स्थानमा उक्लिने दाउमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
