काठमाडौं– काठमाडौं महानगरपालिका–१६ नयाँ बजारस्थित धारा गल्लीमा सुनका गरगहना र नगद लुटपाट भएको छ। काभ्रे भुम्लु–४ घर भई हाल काठमाडौं कपुरधारा बस्ने ३७ वर्षीय सूर्य तामाङको आधा तोला सुनको औंठी र नगद २६ हजार ६ सय रुपैयाँ लुटपाट भएको हो।
लुटपाटको अभियोगमा धादिङ घर भई काठमाडौं म्हेपी बस्ने २९ वर्षीय बिष्णु ढकाललगायत ७ जनालाई शनिबार राति प्रहरीले पक्राउ गरेको छ।
सूर्य तामाङ स्कुटरमा आइरहेको अवस्थामा ढकालले चलाएको बा २ ज १२२५ नम्बरको ट्याक्सीमा सवार अपरिचित व्यक्तिहरुले तामाङको उक्त नगद र औंठी लुटपाट गरी फरार भएका थिए। उक्त खबर प्राप्त हुनासाथ महानगरीय प्रहरी वृत्त बालाजुबाट खटिएको प्रहरीले टोखा नगरपालिका–९ मिलनटोलस्थित नमस्ते गेष्ट हाउसबाट उक्त नम्बरको ट्याक्सी, ट्याक्सी चालक, गेष्ट हाउस संचालकलगायत ७ जनालाई फेला पारी पक्राउ गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
