काठमाडौं- देशभर कोरोना संक्रमितको संख्या बढेसँगै आइसियूमा र भेन्टिलेटरमा उपचार गर्नेको संख्या पनि बढ्न थालेको छ। स्वास्थ्य तथा जनसंख्या मन्त्रालयका अनुसार देशभर २ सय ८७ जना कोरोना संक्रमित विभिन्न अस्पतालको आइसियू र भेन्टिलेटरमा उपचाररत छन्।
मन्त्रालयको तथ्यांक अनुसार ४३ जना भेन्टिलेटरमा र २४४ जना संक्रमित आइसियूमा उपचाररत रहेका छन्।
आइसियूमा रहेका संक्रमितको संख्या सबैभन्दा बढी बागमती प्रदेशमा १२४ जना आइसियू र ३१ जना भेन्टिलेटर, प्रदेश ५ मा ४७ जना आइसियू र ६ जना भेन्टिलेटरमा, प्रदेश १ मा ३० जना आइसियू र ४ जना भेन्टिलेटरमा र प्रदेश २ मा १७ आइसियू र २ जना भेन्टिलेटरमा उपचाररत रहेको मन्त्रालयले जनाएको छ।
त्यस्तै सुदुरपश्चिममा ४ जना आइसियू गण्डकी प्रदेशमा ६ र कर्णाली प्रदेशमा १६ आइसियूमा उपचाररत रहेका छन्।
पछिल्लो २४ घण्टामा थप ११३३ जना कोरोना संक्रमित संक्रमणमुक्त भएका छन्। देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए। योसँगै नेपालमा ६५ हजार २०२ जना संक्रमित उपचारपछि निको भएका छन्।
नेपालमा एकैदिन १९ जना कोरोना संक्रमितको मृत्यू भएको छ। एकैदिनमा १९ जना संक्रमितको मृत्यू भएको नेपालमा यो नै पहिलोपटक हो। योसँगै नेपालमा कोरोना संक्रमित मृतकको संख्या ५ सय ५४ पुगेको छ।
पछिल्लो २४ घण्टामा देशभर २ हजार ४४० जना कोरोना संक्रमण पुष्टि भएकाे छ। योसँगै नेपालमा संक्रमितको कुल संख्या ८९ हजार २६३ पुगेको छ।
देशभर २३ हजार ५०७ जना सक्रिय संक्रमित छन्। ११ हजार १९१ जना संस्थागत आइसोलेसनमा छन् भने होम आइसोलेसनमा १२ हजार ३१६ जना छन्। आज १३ हजार ७८१ जनाको परीक्षण भएको छ।
पछिल्लो २४ घण्टामा ११३३ जना कोरोना संक्रमणमुक्त भएका छन्। योसँगै हालसम्म ६५ हजार २०२ जना निको भएका छन्। हाल ४ हजार ३३ जना क्वारेन्टाइनमा छन्।
गत २४ घण्टामा काठमाडौं उपत्यकामा मात्र १ हजार ५ सय ३१ जना कोरोना संक्रमित भेटिएका छन्।
काठमाडौंमा ११७८ जना, भक्तपुरमा १०३ र ललितपुरमा २५० जना नयाँ संक्रमित भेटिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्।
योसँगै हालसम्म उपत्यकामा कोराना संक्रमितको संख्या ३१ हजार ४८ पुगेको छ। अब काठमाडौंमा २५ हजार २२४, ललितपुरमा ३ हजार २३३ र भक्तपुरमा २ हजार ५९१ संक्रमित पुगेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
