काठमाडौं–सहरी विकास राज्यमन्त्री रामवीर मानन्धरले आगामी ३ वर्षभित्र मुलुकबाट फुस र खरको छानो विस्थापित गरिने बताएका छन्। सोमबार विश्व बसोवास दिवसका अवसरमा शुभकामना दिंदै मन्त्री मान्धरले जनताको जीवनस्तर सुधार गर्नका लागि सरकारले निरन्तर प्रयास गरिरहेको बताएका छन्।
चालु आर्थिक वर्षमा ७५३ वटै पालिकामा कम्तिमा एक लाख परिवारको घरमा आधुनिक छानोको प्रवन्ध हुने बताउँदै मन्त्री मानन्धरले तीन वर्षभित्र सबै फुसका छाना विस्थापन हुने दाबी पनि गरे।
प्रधानमन्त्री केपी शर्मा ओलीको नेतृत्वमा जनताको समृद्धिको सपना पुरा हुने बताउँदै उनले बेसहारा नागरिकको संरक्षण गर्ने दायीत्व राज्यले पुरा गर्ने प्रतिबद्धता जनाए। बिपन्न नागरिकलाई सुरक्षित आवास दिलाउन सरकार लागिपरेको बताउँदै मन्त्री मानन्धरले आवासको अधिकारसम्बन्धी ऐन कार्यान्वयनमा रहेको बताए।
करिब ६० प्रतिशत जनता सहरी क्षेत्रमा बसोबास गरिरहेको बताउँदै उनले ‘सबैका लागि आवास समृद्ध सहरी विकास’ को नारालाई यथार्थमा परिणत गरिने बताए। सहरी क्षेत्रलाई थप व्यवस्थित बनाउनका लागि राज्यले आवश्यक प्रवन्ध मिलाएको दाबी पनि उनले गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
