काठमाडौं- काेराेना संक्रमण नियन्त्रण बाहिर जानुमा सिंहदरबारका मनिस दाेषी रहेकाे आराेप उपत्यका नगरपालिका मेयर फोरमका सचिव तथा मध्यपुर थिमि नगरपालिकाका मेयर मदनसुन्दर श्रेष्ठले लगाएका छन्। श्रेष्ठले सिंहदरबारमा कोरोना संक्रमणले दुई/चार जनाको मृत्यु नभएसम्म उपत्यकामा कोरोना नियन्त्रण गर्न नसकिने टिप्पणी गरे।
रफत सञ्चार क्लबमा आइतबार आयोजित साक्षात्कार कार्यक्रममा बोल्दै श्रेष्ठले यस्ताे आराेप लगाएका हुन्। देशभरको संक्रमितको संख्याको आधा संख्या उपत्यकामा देखिनुमा सिंहदरबार नै दोषी भएको उनकाे टिप्पणी थियाे।
'कोरोना नियन्त्रणमा सरकारको लापरवाही देखियाे', उनले भने, 'सिंहदरबारमा दुई चार जनाको मृत्यु नभएसम्म उपत्यकामा कोरोना नियन्त्रण गर्न सकिने अवस्था छैन।'
उपत्यकामा विगतका दिनमा झैं अब बाहिरबाट संक्रमित प्रवेशको डर नभएकाे र उपत्यका नै हटस्पट बनिसकेकाे उनले बताए। कोरोनाको केन्द्र बनेको उपत्यकाबाट अब दशैं र तिहारको समयमा बाहिर जाने रहरले देशैभर कोरोना संक्रमण फैलने उनले बताए। यसरी संक्रमितहरु गाउँ गाउँ पुग्दा देशभर हटस्पट बन्ने उनकाे भनाइ थियाे।
बेलैमा सतर्कता अपनाउन नसके यसले झन् महामारीको रुप लिने उनले बताए। उपत्यकामा अब लकडाउन नहुने बताउँदै श्रेष्ठले सक्रिय संक्रमितको क्षेत्रको पहिचान गरी फरक किसिमको निषेधाज्ञा लगाउनुपर्नेमा जोड दिए। अन्यथा दशैंसम्म उपत्यकामा बढ्दो संक्रमितको संख्याले लाख नाघ्ने उनले दाबी गरे।
उपत्यकाका तीनै जिल्लाका प्रमुख जिल्ला अधिकारीहरुको निषेधाज्ञा कागजमै सीमित हुँदा उपत्यकामा महामारी फैलिएको उनले आरोप लगाएका छन्। सिडियाेहरुले निषेधाज्ञा त लगाए तर त्याे कागजीमा मात्र भयाे जसले भयावह अवस्थामा काेराेना संक्रमण भयाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
