काठमाडौं- सोमबार सेयर बजारमा ६.१२ अंकको करेक्सन भएको छ। लगातार सुधार भैरहेको बजारमा लगानीकर्ताले नाफा बुक गर्ने क्रममा सोमबार कारोबार सुरु भएदेखिनै घट्न थालेको थियो। सोमबार नेप्से सूचक घटेर १५६९.०६ अंकमा रोकिएको छ। सूचकमा गिरावट आउँदा कारोबार रकम दुई अर्ब ६३ करोड रुपैयाँमा सिमित भएको छ।
सोमबार १९५ वटा कम्पनीको कारोबार हुँदा ११४ वटाको सेयर मूल्य घटेको छ भने जम्मा ४३ वटाको मूल्यमा मात्रै सुधार देखिएको छ। नबिल बैंकसँगको हल्ला फैलिदा युनाइटेड फाइनान्सको सेयर मूल्यमा बढ्दो क्रममा सर्किट लागेको छ। केही सञ्चार माध्यमले मर्जरका गलत हल्ला फैलाएर कम्पनीको सेयर मूल्यमा प्रभावित पारिरहेका छन्। गत साता सिभिल बैंक र हिमालयन बैंकको मर्जरको हल्ला फैलाएर मूल्य बढाइएको थियो।
सूचीकृत भएको दिन बढ्ने क्रममा सर्किट लागेको लिवर्टी सेयरमा आज घट्दो क्रममा सर्किट लागेको छ। सबैभन्दा धेरै होटलको सूचक घटेको छ। उत्पादन तथा प्रशोधनको सुचकमा सामान्य सुधार देखिए पनि बाँकी सूचक तथा उपसूचक ओरालो झरेको छ।
गएका दिनमा बजार लगातार सुधार भैरहेको थियो। बैंकिङ तरलता बढ्दै गर्दा बजार मूल्य भने बढिरहेको छ। बढिरहेको बजारबाट लगानीकर्ताले नाफा बुक गर्न खोज्दा सूचकमा गिरावट आएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875773.jpg)
-1786602170.png)
-1786513116.png)
-1788425345.png)
