काठमाडौं– नेपाल कम्युनिस्ट पार्टी (नेकपा) को सचिवालय बैठक समापन भएको छ। पेरिसडाँडामा ११ बजेदेखि बसेको बैठक ३ बजे समापन भएको हो।प्रधानमन्त्री निवास बालुवाटारमा बस्दै आएको सचिवालय बैठक कार्यकारी अध्यक्ष पुष्पकमल दाहाल ‘प्रचण्ड’को अध्यक्षतामा पहिलोपटक पार्टी कार्यालय पेरिसडाँडामा बसेको हो।
स्थायी कमिटीका निर्णयलाई कार्यान्वयन गर्न सचिवालय बैठक बसेको हो। बैठकमा ४ कार्यसूचीबारे छलफल भएको पार्टीका प्रवक्ता समेत रहेका नारायणकाजी श्रेष्ठले जानकारी दिए।
'मन्त्रिपरिषद् पुनर्गठनका विषयमा विभिन्न कोणबाट छलफल भएको छ। पुनर्गठनका सन्दर्भमा विभिन्न कोणबाट नीतिगत रूपमा सुझाव दिएको छ। व्यक्तिको नामबारे छलफल भएका छैन,' उनले भने। चार कार्यसूची तय भएपनि पहिलो कार्यसूचीबारे मात्र थप छलफल भएको उनले जानकारी दिए।
यस्तै संवैधानिक राजनीतिक नियुक्ति गर्न आधार तय गर्न कार्यसूची तय गरेको समेत उनले बताए। यसका साथै एकीकरणका बाँकी कामका विषयमा पनि कार्यसूची तय भएको उनले बताए। यस्तै संगठन र विभागका निर्णयबारे पनि कार्यसूची तय भएको उनले बताए।
संवैधानिक पदमा रिक्त रहेका पदहरुका विषयमा समेत सचिवालय बैठकमा छलफल हुने अर्का सचिवालय सदस्यले बताए। अहिले अख्तियारलगायत महत्वपूर्ण निकायमा ४२ पद रिक्त छन्।
बैठक सोमबार पनि पेसिसडाँडामा नै दिउँसो १ बजे बस्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
