काठमाडौं- न्युजिल्यान्डका बलिङ प्रशिक्षक शेन जर्गेनसनको सम्झौता नवीकरण भएको छ। न्युजिल्यान्ड क्रिकेटले जर्गेनसनको सम्झौता थप दुई वर्ष लम्ब्याउने निर्णय गरेको हो।
अस्ट्रेलियाका ४४ वर्षीय जर्गेनसन अब न्युजिल्यान्डको बलिङ प्रशिक्षकमा सन् २०२२ को अन्त्यसम्म रहने छन्। यो सम्झौतासँगै सबैभन्दा लामो समय न्यजिल्यान्डको बलिङ प्रशिक्षकको भूमिकामा उनी रहने भएका छन्। उनले ९ वर्ष न्यजिल्यान्डको बलिङ प्रशिक्षकमा विताउन लागेका हुन्।
दुई वर्षे सम्झौता थप भएसँगै प्रशिक्षक जर्गेनसनले भनेका छन्, ‘न्युजिल्यान्ड क्रिकेटमा प्रशिक्षक यात्रामा मेरो यो अर्को उपलब्धि हो। मेरो कामप्रति मलाई माया छ। र न्युजिल्यान्ड क्रिकेटसँग जोडिन पाउँदा आफूलाई भाग्यमानी पनि मान्छु।’
त्यस्तै, मुख्य प्रशिक्षक ग्यारी स्टेड र कप्तान केन विलियम्सनसँग काम गर्न पाउँदा खुशी रहेको बताएका छन्। त्यस्तै, थप चुनौती पनि थपिएको उनले उल्लेख गरेका छन्।
मुख्य प्रशिक्षक स्टेडले बलिङ प्रशिक्षकमा जर्गेनसनले राम्रो काम गरिरहेको बताएका छन्। उनले भनेका छन्, ‘बलरहरुसँग जर्गेनसनले राम्रो काम गरिरहेका छन्। विगत ५ वर्षदेखि उनको प्रशिक्षणमा खेलाडीमा धेरै सुधार भएको छ।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
.JPG)
.JPG)
.jpg)
.JPG)
