तस्बिर सौजन्य : मिङ्मा शेर्पा
काठमाडौं–मध्यपूर्वको मुलुक बहराइनका राजपरिवारका सदस्य सवार जहाज नेपाल आइपुगेको छ।
त्रिभुवन अन्तर्राष्ट्रिय विमानस्थल कार्यालयका अनुसार जहाज ११ बजेर ३५ मिनेटमा अवतरण भएको हो। जहाजमा १८ जनाको टोली छन्। उनीहरु हिमाल चढ्ने उद्देश्यले विशेष विमानमा काठमाडौं आएका हुन्।
केही दिनअघि मात्रै सरकारले बहराइनका राजपरिवारलाई लोबुचे र मनास्लु हिमाल आरोहणको अनुमति दिने निर्णय गरेको थियो।
टोलीमा बहराइनको डिफेन्स फोर्समा कार्यरत १५ जना तथा ३ जना बेलायती नागरिक रहेको दूतावासले जनाइएको छ। उनीहरु लगभग दुई महिना नेपाल बस्ने छन। टोलीले लोबुचे र मनास्लु हिमाल आरोहणलाई पूर्वतयारीको रूपमा लिँदै सन् २०२१ मा सर्वोच्च शिखर सगरमाथा आरोहण गर्ने अभिलाषा लिएको दूतावासको विज्ञप्तिमा उल्लेख छ।
बहराइनका राजकुमारको टोली नेपाल आएर हिमाल आरोहण गरेमा लकडाउनपछिको पहिलो हिमाल आरोहण दल हुने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
