काठमाडौं- जिल्ला प्रशासन कार्यालय काठमाडौंले निषेध आदेशको समयमा अत्यावश्यक वस्तु तथा सेवा होम डेलिभरी गर्नेसम्बन्धी मापदण्ड २०७७ जारी गरेको छ।
निषेधाज्ञाको समय भदौ २४ गतेसम्म बढाउने जिल्ला प्रशासन कार्यालयको बुधबारको निर्णयसँगै अनलाइन व्यापारलाई सहजीकरण गर्ने तथा अत्यावश्यक वस्तुको टेकअवे र होम डेलिभरी सेवा संचालनका लागि अनिवार्य रुपमा पिसिआर रिपोर्ट नेगेटिभ हुनुपर्नेलगायत केही नयाँ प्रावधानसहित यो सेवा सुचारु गर्न सकिने निर्णय गरेको थियो।
निश्चित मापदण्ड तोकेरमात्र अनलाइन व्यापार सुरु गर्ने जिल्ला प्रशासनको निर्णयअनुसार बिहीबार मापदण्ड जारी गरिएको हो।
मापदण्डअनुसार निषेधाज्ञाको अवधिभर पिसिआर रिपोर्ट नेगेटिभ भएका व्यक्तिहरुले होम डेलिभरी र टेकअवे सेवा संचालन गर्न सक्नेछन्।
त्यस्तै अत्यावश्यक उपभोग्य वस्तुको होम डेलिभरी गर्ने व्यक्तिको पिसिआर नेगेटिभ हुनपर्ने र होम डेलिभरी सेवाको क्रममा भेटेका व्यक्तिको अभिलेख राख्ने र अनलाइनमार्फत् मात्रै भुक्तानी गनुपर्नेछ।
त्यस्तै यस्तो सेवा दिउँसो १ बजेदेखि बेलुका ७ बजेसम्ममात्र दिन पाइनेछ भने चारपांग्रे सवारीमा २ जना र २ पांग्रेमा १ जनामात्रै सवार हुन पाउनेछन्।
नेपाल ई–कमर्स तथा अनलाइन डेलिभरी सेवा संचालनकहरुको साझा फोरमले भने दिउँसो १ बजेदेखि बेलुका ७ बजेसम्ममात्र अनलाइन व्यापार सेवा संचालन गर्न दिने जिल्ला प्रशासनको निर्णयप्रति आपत्ति जनाउँदै त्यसलाई सच्याउन माग राखेको छ। अनलाइन व्यापारसम्बन्धी जिल्ला प्रशासनबाट मापदण्ड जारी भएलगत्तै फोरमले विज्ञप्ति निकाल्दै अत्यावश्यक वस्तु बिहान ५ देखि ९ बजेसम्म पनि संचालन गर्न पाउनुपर्ने माग राखेको छ।
त्यस्तै खाद्य तथा अत्यावश्यक वस्तुमात्र नभई पाठ्यपुस्तक, इलेक्टोनिक्सलगायतका सामग्री डेलिभरी गर्न पाउनुपर्ने पनि उनीहरुको माग छ।
यस्तो छ नयाँ मापदण्डः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
