काठमाडौं- बूढीगण्डकी गाउँपालिका धेरै कलकारखाना भएको क्षेत्र हो। कारखाना बढी भएकाले मजदुर आउने जानेक्रम बाक्लै हुन्छ। मजदुरको आवागमन बाक्लै हुने भएकाले कोरोना भाइरस संक्रमणको अवस्था पनि सोही अनुपातमा वृद्धि भएको थियो। लकडाउनअघि निकै चहलपहल हुने गरेको यो क्षेत्र लकडाउन अलि खुकुलो भएसँगै मानिसहरुको आवातजावत बढ्यो अनि संक्रमित पनि बढेका थिए।
चैत ११ गतेदेखि सरकारले जारी गरेको लकडाउन भदौ ७ गते खोल्नासाथ गाउँपालिकामा संक्रमित भेटिन थाले। भारतलगायत अन्य क्षेत्रबाट आएका मानिसलाई गाउँपालिकाले सिधै क्वारेनटाइनमा पठाउने गरेको थियो। परीक्षणपछि नेगेटिभ रिर्पोट आउनेहरूलाई गाउँ भित्र्याइएको थियो। लकडाउन खुकुलो भएपछि मानिसहरु लुकेर छिर्न थाले। कारखाना र उद्योगहरुले पनि कामदार भित्र्याउन थाले। सवैको रेकर्ड गाउँपालिकाले राख्न सकेन।
शुरु-शुरुमा गाउँपालिकाले नाका नाकामा ज्वरो क्लिनिक संचालन गरेको थियो। संक्रमण बढ्दै गएपछि यो सम्भव भएन। अहिले गाउँ छिर्नेहरुलाई जानकारी भएसम्म क्वारेनटाइनमा राख्ने गरिएको छ। तर पनि मानिसहरु लुकेर छिर्छन्। गाउँपालिकामा हालसम्म २ जना संक्रमितको ज्यान गएको छ। मृतकहरू एक महिला र एक पुरुष हुन्। उनीहरू दीर्घरोगी थिए। उहाँहरुको बारेमा शुरुमा गाउँपालिकालाई जानकारी भएन। लक्षण देखिदाँ पनि घरमा बस्नु भएछ। मृत्यु भएपछि परीक्षण गर्दा कोरोना पुष्टि भयो। उनीहरु बाहिर गएका थिएनन्।
नियन्त्रणमा आउँदै
एक समय गाउँपालिकाभित्रै धेरै डरलाग्दो अवस्था थियो। अहिले १४ जनामात्र संक्रिय संक्रमित रहेका छन्। थारु संग्राहलय बौराहा आइसोलेनमा ३ जना स्वास्थ्य लाभ गरिरहेका छन्। एक जना वडा सदस्यसहित उनीहरू आइसोलेसनमा रहेका छन्। ११ जनालाई होम आइसोलेनमा राखिएको छ। यी संक्रमित कसैको पनि लक्षण रहेको छैन। गाउँपालिकाले ३ वटा स्थानमा क्वारेनटाइनमा बनाएको छ। अहिले १० जना क्वारेनटइनमा रहेका छन्।
एउटै उद्योगमा ६२ जना
गाउँपालिका भित्र रहेको आरती स्टिलको कारखानामा ७ सय जनाको पिसिआर गरिएको थियो। यसरी परिक्षण गर्दा ६२ जना पोजेटिभ आएको थियो। यसरी ठूलो संख्यामा कर्मचारी पोजेटिभ आएपछि अलि निकै नै डर पनि लागेको थियो। गाउँपालिकाले उक्त कम्पनीलाई आफै आइसोलेन बनाएर राख्न भनेको थियो।
गाउँपालिको आग्रहअनुसार कर्मचारीहरुलाई आवश्यक सुविधासहित आइसोलेनमा राखियो। अहिले ७ जनाबाहेक सबै निको भएका छन्। कम्पनीलाई बाहिरबाट कामदार ल्याउन रोक लगाइएको छ।
बुझाउन मुस्किल
मानिसहरु अझै पनि केही हुँदैन भन्ने भ्रममा नबुझेर हिँडेका छन्। बुझेका मानिसहरुले त घरबाहिर निस्कँदा मास्क लगाउने गरेका छन् तर नबुझेका मानिस नलगाई हिड्नछन्। उनीहरुलाई नगरले मास्क किनेर दिने र अर्को पटक नलगाएमा कारबाही गर्ने चेतावनी दिने गरेको छ।
यहाँ संक्रमण समुदायस्तरमा पुगिसकेको छैन भन्ने अनुमान हाम्रो छ। यदि यहाँको समुदाय सचेत भएन भने पुग्न धेरै समय लाग्ने देखिँदैन। मास्क लगाउने, साबुनपानीले हात धुने र सामाजिक दूरी पालना गराउने कार्य कठिन रहेको तर हामी बुझाउने अभियान चलाइरहेका छौं। नागरिक आफैं सचेत भएर कोरोना संक्रमणबाट टाढा नबस्दा विस्तारै फैलँदै जाने हुन्छ। गाउँपालिकाले सचेतनाका लागि माइकिङ गर्ने, सार्वजनिक सञ्चार माध्यमबाट सूचना दिने गर्दै आएको छ।
कोरोना संक्रमण बढ्दै गएपछि जिल्ला प्रशासन कार्यालयले लकडाउन नै गरेको थियो। गाउँपालिकाले कोरोना संक्रमण फैलन सक्ने क्षेत्रहरुलाई सिल गर्ने, बजारहरु समय मिलाएर खोल्ने, मानिसहरुको भीड हुन नदिनेजस्ता कार्य गर्दै आएको छ।
मान्छेले बुझ पचाइरहेका छन्। जानेकाहरुले मास्क लगाइरहेका छन्। तर पहिला भन्दा भने मानिसहर अहिले अलि सचेत भएका छन्। मानिसले आफै बुझ्न थालेका छन्। अलि सहज भएको छ। दुई दुई जनाको सजचेतनाको कमिका कारण मृत्यु भएकाले अहिले चै मानिस गाउँपालिकालाई खबर गर्न थालेका छन्।
(माझी मोरङको बुढीगंगा गाउँपालिकाका प्रमुख हुन्।)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
