काठमाडौं– श्रीलंकन क्रिकेटर लासिथ मालिंगाले आसन्न इन्डियन प्रिमियर लिग (आइपिएल) नखेल्ने भएका छन्।
मुम्बई इन्डियन्सका तीव्र गतिका बलर मालिंगाले आइपिएल नखेल्ने क्लबले जानकारी दिएको हो। उनको स्थानमा अस्ट्रेलियाका तीव्र गतिका बलर जेम्स पटिन्सनलाई मुम्बईले क्लबमा भित्र्याएको छ। आइपिएलको इतिहासमै सर्वाधिक विकेट लिने खेलाडी मालिंगाले यो पटकको लिग भने व्यक्तिगत कारण देखाउँदै नखेल्ने निर्णय लिएका हुन्।
मालिंगाको बुबा अहिले बिरामी अवस्थामा छन्। यही सेप्टेम्बरमा उनको बुबाको सर्जरी हुँदैछ। मालिंगा केही दिनअघि मात्रै टिमसँग युएई प्रस्थान गरेका थिए। उनी बिरामी बुबासँगै श्रीलंकामा रहने पक्षमा पुगेपछि आइपिएल गुमाएका हुन्। युएईमा यही सेप्टेम्बर १९ देखि नोभेम्बर १० तारिखसम्म आइपिएल हुँदैछ।
फ्रेन्चाइज टिम मुम्बईका मालिक आकाश अम्बानीले मालिंगाले यो पटक नखेलेपनि टिम कमजोर नहुने बताए। उनले भनेका छन्, ‘मालिंगा मुम्बईको तागत हो। खम्बा हो। तर उनी नखेलेपनि आफ्नो टिम कमजोर हुने छैन। यो समय परिवारलाई उनको खाँचो छ। यो कुरा हामी बुझ्छौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
