रौतहट जिल्ला प्रदेश २ कै धेरै संक्रमित रहेको जिल्लामध्ये दोस्रो जिल्ला हो। प्रदेशमा पर्सापछि रौतहटमा बढी संक्रमित छन्। हालसम्म जिल्लामा १ हजार ८ सय ६१ जनामा संक्रमण पुष्टि भएको छ। तर यही जिल्लाको गुजरा नगरपालिकामा भने हाल संक्रिय संक्रमित छैनन्। संक्रमण पुष्टि भएका सबै निको भएका छन्।
छिमेकी नगरपालिकाहरुमा पनि संक्रमतिको संख्या बढिरहेको छ। मंगलबारदेखि गुजरा नगरपालिकामा सक्रिय संक्रमित छैनन्। हालसम्म १९ जना संक्रमित रहेकोमा मंगलबार एक जना आइसोलेनमा रहेका व्यक्ति निको भएपछि यो नगरमा संक्रिय संक्रमितको संख्या शून्य भएको हो।
गौर, चन्द्रपुरजस्ता नगरपालिकामा अहिले प्रत्येक दिन संक्रमित थपिने क्रम तीव्र छ। उनीहरुको समुदायस्तरमा संक्रमण फैलिएको छ। तर हाम्रो नगरमा अहिलेसम्म समुदायमा संक्रमण फैलिएन। तर हाम्रोमा फैलने जोखिम भने कम भएको छैन। शुरुदेखि नै भारतबाट आएका र बाहिर जिल्लाबाट आएका मानिसहरुलाई व्यवस्थित गर्दा संक्रमण समुदायमा फैलनबाट रोक्न सकिएको हो।
हामीले कोरोनाको महामारी शुरु भएदेखि नै योजनाबद्ध काम गरेका थियो। हाम्रो नगरमा पनि भारतबाट धेरै मानिस आएका थिए। उनीहरुलाई हामीले व्यवस्थित रुपमा क्वारेनटाइनमा राख्यौँ र परीक्षण गरायौं। पोजेटिभ आएका व्यक्तिलाई उपचारमा पठायौं भने नेगेटिभ भएका व्यक्तिहरुलाई पनि केही समय राखेर पठायौं। यसरी गाउँमा सिधै मानिसहरु प्रवेश गर्न नपाउँदा समुदायसँग घुलमिल हुने र संक्रमण फैलन पाएन।
शुरुमा नगरले चारवटा क्वारेनटाइन चलाएको थियो। प्रत्येक क्वारेन्टाइनमा एकसय जना राख्ने क्षमता बनाएका थियौँ। यसरी नगरभित्र शंकास्पद व्यक्ति जान नपाउँदा जनता पनि खुशी नै भए। शुरुशुरुमा नगरले मानिसहरुलाई क्वारेनटाइनमा राख्न निकै दुख गर्नुपरेको थियो। मानिसहरु आउन नमान्ने र लुक्न खोज्ने हुने गरेको थियो। तर नगरले सबै मानिसलाई सचेतना गराउँदै एउटा संक्रमति व्यक्तिले हजारौं व्यक्तिलाई सार्न सक्छ भनेर बुझाउने अभियान नै शुरु गरेको थियो।
नयाँ मानिस आउने बित्तिकै नगरमा खबर गर्नेदेखि मास्क वितरणसम्म
नगरले चैत महिनाको शुरुदेखि नै नगरपालिका छिर्ने नयाँ व्यक्तिबारे जानकारी गराउने र अनिवार्य रुपमा क्वारेनटाइनमा राख्ने अभियान गरेको थियो। नगरको उक्त अभियानमा जनताहरु उत्साही भएर सहभागी भए। त्यसैगरी नगरवासीहरुलाई मास्क लगाउन र सामाजिक दूरी कायम गर्ने बारेमा पनि नगरले अभियान नै चलायो। नगरले मस्क नलगाएको मानिस फेला परेका तत्कालै मास्क वितरण गरेर लगाउने अभियान नै चलाएको थियो। नगरको यो अभियानले नगरबासीमा सकारात्मक छाप छोड्यो। जसले गर्दा उनीहरु पनि सचेत भए। कोरोना भाइरसको कुनै विशेष औषधी नभएकाले सामाजिक दूरी पालना गर्ने कुरामा पनि नगरले निकै ख्याल गरेको थियो। अत्यावश्यक सेवाहरु पनि सामाजिक दुरी पालना गराउने काम नगरले गरेको थियो।
कामको सिजन हुदाँ संक्रमण फैलन पाएन
नगरभित्र रहेका मानिसहरुको खेतबारीमा काम गर्न व्यस्त हुँदा समेत संक्रमण कम गर्न मद्दत गरेको छ। नगरबासीहरु खेतबारीमा व्यस्त छन्। उनीहरु अनावश्यक ठाउँमा जाने र संक्रमण हुने जोखिम कम भएकाले समुदायमा फैलिएन। एक व्यक्ति र बाहिरबाट आएको संक्रमण भएको व्यक्ति भेट नहुँदा नगरमा निकै कम संक्रमित फेला परे। संक्रमणको जोखिमलाई मध्यनजर गर्दै नगरबासी आफैं सचेत भएकाले पनि यो फैलन नपाएको हो।
सीमा र भारतीय बजार जान प्रतिबन्ध
सरकारले चैत ११ गते लकडाउन लगाएसँगै नगरले सीमा र भारतीय बजारमा जान रोक लगायो। भारतबाट आएका मानिसलाई परीक्षणपछिको रिर्पोट हेरेर मात्र घर पठाइयो। भारततर्फ आवतजावत नहुँदा संक्रमितको ग्राफ माथि उक्लेन। अहिले नगरले एउटामात्र क्वारेनटाइन चलाइरहेको छ। सय जना मानिस राख्न सक्ने क्षमता भएको उक्त क्वारेनटाइनलाई आइसोलेन सेन्टर बनाएको थियो। जबसम्म भारतबाट घुसपैठ हुँदैन तबसम्म संक्रमितको संख्या बढ्दैन। नगरले भारतीय बजारमा किनमेलका लागि जान पनि रोक लगाएको छ। मललगायतका अन्य वस्तुको खरिद गर्ने व्यवस्था नगरभित्र गर्न भनेका छौं।
सामाजिक दुरी र मास्क अनिवार्य
नगरको अबको योजना पनि जनतालाई सामाजिक दूरी पालना गराउने र मास्क लगाउन प्रेरणा गर्ने हो। मास्क लगाएर २ मिटरको दुरी कायम गर्दा रोग रोक्न सकिन्छ भनेर उनीहरुलाई अझै बुझाउन जरुरी छ। छिमेकी नगरमा दैनिक रुमपा संख्या बढिरहेकाले नगर सचेत नै रहनुपर्ने छ। जुनसुकै समयमा नगरभित्र संक्रमित व्यक्तिहरु आउन सक्ने भएकाले नगरले यस्ता व्यक्तिहरुका लागि क्वारेनटाइन चलाइराख्ने योजना बनाएको छ।
मंगलबार २० जना मानिसहरुको रिर्पोट नेगेटिभ आएकाले घर पठाउँदै छौं। उनीहरू गएपछि क्वारेन्टाइन रित्तो हुनेछ।
(गुजरा नगरपालिकाका मेयर चौधरीसँग गरिएको कुराकानीमा आधारित)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
