काठमाडौं-'क्वान्टम ह्याक' ले ३६ घण्टा लामो 'ह्याकथन' आयोजना गरेको छ। विश्वप्रसिद्ध प्रविधि उत्पादक कम्पनीहरूसँगको सहकार्यमा यो कार्यक्रम सम्पन्न गरिएको हो।
प्रकोप व्यवस्थापन, सबैका लागि आधुनिक वित्तीय व्यवस्थापन, शिक्षा, स्वास्थ्य तथा सहरी जनसंख्या व्यवस्थापन, वातावरणलगायत स्वतन्त्र विचार शीर्षकजस्ता विभिन्न ६ वटा विधामा प्रविधिको प्रयोग तथा त्यसको माध्यमद्धारा समस्याको समाधान पत्ता लगाउने प्रयास गरिएको कार्यक्रममा ७० भन्दा बढी समूहका २५० जनाले विभिन्न प्रतियोगितात्मक परियोजना तथा अवधारणा प्रस्तुत गरेका थिए।
'हाम्रो मुख्य उद्देश्य नेपालमा यस्तो एउटा महत्वपूर्ण कार्यक्रम आयोजना गर्नु थियो, जसबाट प्रविधिको क्षेत्रमा लागिरहेकाहरूलाई केही नयाँ कुरा सिकाउन सकौँ,' कार्यक्रमका टिम लिडर तथा क्वान्टम ह्याकका अध्यक्ष जयकृष्ण पञ्जियारले भने, 'त्यसैका लागि यो कार्यक्रम आयोजना गरेका हौँ।'
उनका अनुसार एप्पलका को-फाउन्डरले दक्षिण एसियामै पहिलोपटक यस्तो कार्यक्रममा सहभागिता जनाएका हुन्। क्वान्टम ह्याकले ३६ घण्टा लामो कार्यक्रम अनलाइनमार्फत् नै होस्ट गरेको थियो।
नेपालको कम्प्युटर इन्जिनियरिङ तथा सूचना प्रविधिका विद्यार्थीमा प्रतिस्पर्धा गराई उनीहरुको प्रतिभा उजागर गर्न सघाउ पुर्याउने उद्देश्यले यो कार्यक्रम आयोजना गरिएको उनले जानकारी दिए।
इन्जिनियरिङ अध्ययन संस्थान पुल्चोकका प्रायः सबै विभागको सहभागिता रहेको यो कार्यक्रम भारतको डेभ्फोलियोको सहयोगमा पुल्चोक क्याम्पसको नेक्स्टजेन संस्थाले आयोजना गरेको थियो।
कार्यक्रममा आइबिएमका वरिष्ठ प्रोग्रामर तथाइन्जिनियर जो सेपी तथा डेभ्फोलियोका कम्युनिटी लिड ब्यवस्थापक डेनभर डि सुजाले मुख्यवक्ताको रुपमा सम्बोधन गरेका थिए।
कार्यक्रममा नासा, अमेजन वेभ सर्भिस आदिका वरिष्ट प्रतिनिधिहरुले मेन्टर्सको रूपमा काम गरेका थिए। यसैगरी विभिन्न विधाका विशेषज्ञ तथा माइक्रोसफ्ट एवं विभिन्न प्रतिष्ठित संस्थाका विज्ञहरुले प्रस्तावित परियोजनाको मूल्याङ्कन गरेका थिए। परियोजना प्रतियोगितामा ६ टिम पुरस्कृत भएका थिए।
कार्यक्रममा ह्याकाथनका अतिरिक्त गोष्टी, कार्यशालालगायत स्वदेशी तथा विदेशी सेलिब्रेटीहरुले गायन, नृत्य एवं अन्य कार्यक्रम प्रस्तुत गरेका थिए।
'यो जटिल अवस्थामा यति वृहत र एप्पलका सहसंस्थापक तथा आइबिएमजस्ता प्रतिष्ठित संस्थाको उच्च सहभागिता हाम्रा लागि गौरव र प्रेरणाको विषय हो,' नेक्टस्जेनका अध्यक्ष तथा आयोजक समितिका लिड अर्गनाइजर पन्जियार भन्छन्, 'यसले हाम्रो सोच्ने क्षमता र वातावरणमा ठूलो परिवर्तन ल्याउनेमा हामी विश्वस्त छौं, यो ह्याकाथनको ठूलो फड्को पनि हो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
