मास्क लगाए पनि सामाजिक दूरी कायम गराउन गाह्रो छ

कोरोना अपडेट

शान्ति नेपाल आइतबार, भदौ १४, २०७७ २१:३५

काठमाडौं- काठमाडौंस्थित गोकर्णेश्वर नगरपालिका हालसम्म १०१ जना संक्रमित भएका छन्। लकडाउन खुलेपछि यो नगरपालिकामा कोरोना संक्रमण बढ्न थालेको हो। सबैभन्दा धेरै जोरपाटी र नयाँबस्ती–बौद्ध क्षेत्रमा देखिएको छ। कोरोना भाइरस समुदायमा फैलिसकेको छ। कुनै पनि ट्राभल हिस्ट्री नभएका मानिसमा पनि कोरोना देखिएको छ।

जोरपाटीमा एकजना फर्निचर पसलेका सबै परिवारलाई कोरोना देखिएको छ। लकडाउन अवधिमा कतै नगएका उनको परिवारलाई समुदायबाटै कोरोना संक्रमण भएको देखिन्छ। गोकर्णेश्वरमा शनिबारसम्म १०१ जना संक्रमित पुगेका छन्।

नगरपालिकाले शंकास्पद व्यक्तिको कोरोना परीक्षण गरिहेको छ। कन्टाक्ट ट्रेसिङलाई पनि तीव्र पारेको छ। संक्रमितहरुको सम्पर्कमा आएकाहरूको जतिसक्दो छिटो परीक्षण गर्ने व्यवस्था नगरले मिलाइरहेका छ। वडाहरुले सम्पर्क र समन्वय गरिरहेका छन्। सम्पर्कमा आएका अन्यको पनि खोजी सुरु समयमै गरिएको छ।

गोकर्णेश्वर नगरपालिका ५ मा पर्ने जोरपाटी चोक क्षेत्रमा अहिलेसम्म ३४ जनामा कोरोना संक्रमण पुष्टि भएको छ। संक्रमित भएकाहरूलाई नगरले लक्षण भएकालाई अस्पतालमा र नभएकालाई होम आइसोलेनमा राख्ने गरेको छ।

जोरपाटीपछि नगरको ६ नम्बर वडाको नयाँबस्तीमा क्षेत्रमा २५ जना संक्रमित छन्। नगरभित्र बैंकमा काम गर्ने एक जनालाई लक्षणसहितको संक्रमित थिए। उनलाई ह्याम्स अस्पतालमा प्लाज्मा दिइएको र हाल सुधार भइरहेको छ। प्लाज्मा दाता खोजेर उनको उपचार गरिएको थियो।

नगरले नेपाल मेडिकल कलेजमा सय बेडको आइसोलेनको जगेडा गरेको छ। सोही अस्पतालमा केही आइसियू पनि छुट्याइएको छ। नगरका संक्रमितमध्ये धेरैजसो होम आईसोलेसनमा छन्। संक्रमितको अवस्थाबारे वडाले अनुगमन गरिहरहेको र नगरले सम्पर्कमा आएकाहरूको खोजी गरिरहेको छ।

शहिदपार्कमा नगरको आइसोलेन बन्दै
संक्रमणको बढ्दो संख्यालाई ध्यानमा राखेर नगरले शहिल पार्क जगडोलमा नयाँ आइसोलेसन बनाइरहेको छ। लाइन्स क्लबसँगको सहकार्यमा कोरोना संक्रमित राख्न नगरले बनाइरहेको छ। छिटै यो सञ्चालनमा आउने छ। नगरभित्रका संक्रमितलाई यहाँ राखेर नगर वडाले अनुगमन गर्छ।

स्वास्थ्य सुरक्षा मापदण्ड पालना भएन
नगरमा संक्रमण देखिएका अधिकांश व्यक्तिको ट्राभल हिस्ट्री नभएकाले संक्रमण समुदायमा पुगेको भन्नेमा शंका छैन। यसरी संक्रमण समुदायमा पुग्नुको कारण व्यक्तिगत अनुशासनको पालना नभएको देखिन्छ। बिहान बेलुका मर्निङ वाक गर्ने भनेर भिड गर्ने काम भइरहेको छ। गोकर्ण क्षेत्रमा यस्तो अवस्था देखिएको छ।

प्रहरी आउँदा सटर बन्द गर्ने नत्र खोल्ने क्रम देखिएको छ। प्रहरीका लागि नभई संक्रमण रोक्न निषेधाज्ञा लगाइएको कुरा नगरिकले बुझेको देखिएन।

सामाजिक दुरी कायम गर्ने, मास्क लगाउने र बाहिरी सम्पर्कमा नजानेजस्ता स्वास्थ्य सुरक्षाका उपायको ख्याल नगर्दा अहिले समुदायमा कोरोना संक्रमण पुगेको छ।

मास्क लगाएको देखिएपनि सामाजिक दुरी भिडभाग नर्गने कार्य पालना भएको छैन। नगरभित्र परीक्षणको दायरा विस्तार गरी सम्पर्कमा आएकाहरूको खोजी पनि विस्तार गरिएको छ। नगरमा हालसम्म ३६ महिला संक्रमित छन् भने ६५ पुरुष संक्रमित भेटिएका छन्।

यस्तो छ वडागत तथ्यांक
वडा न १ – ३
वडा न २ –४
वडा न ३ – ०
वडा न४ – १५
वडा न ५ –३४
वडा न ६ –२६
वडा न ७ –५
वडा न ८ –१२
वडा न ९ – २

(नेपाल गोकर्णेश्वर नगरपालिकाकी उपमेयर हुन्।)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।