काठमाडौं- सत्तारुढ नेपाल कम्युनिस्ट पार्टी (नेकपा) का नेता माधव नेपाललाई जोडेर सार्वजनिक भएका धारणा सत्य नभएको उनको सचिवालयले बताएको छ।
‘नेकपाका वरिष्ठ नेता एवम् पूर्वप्रधानमन्त्री माननीय माधवकुमार नेपालज्यूले ‘नेकपा समस्या समाधान सुझाव कार्यदल’ ले प्रस्तुत गरेको ‘सुझाव प्रतिवेदन’ प्रति गरेको टिप्पणी भनेर बिभिन्न सञ्चार माध्यममा आएको कुरा सत्य होइन’, नेता नेपालका स्वकीय सचिव मोहन गौतमले बिहीबार फेसबुकमा लेखेका छन्, ‘अझ दुखद कुरा त के छ भने हाम्रै पार्टीका कतिपय जिम्मेवार कमरेडहरू जोडिएका वा उहाँहरूले चलाएका कतिपय मिडियामा कपोलकल्पित एवम् मनगढन्ते कथाहरू पस्किएर सम्मानित नेताको चरित्र हत्या गरी आत्मसन्तुष्टि लिने नियोजित कोसिस भएको छ।‘
गौतमले विगत लामो समयदेखि पार्टीमा विधि, प्रक्रिया, प्रणाली र मापदण्डको कुरालाई (अल्पमत, बहुमत वा सर्वसम्मत जे हुँदा पनि) उठाउॅदै आउनुभएका उहाँले अनौपचारिक परामर्शको आधारमा गठन गरी सचिवालय बैठकबाट (उहाँहरूकै माग बमोजिम) अनुमोदन गरिएको कार्यदलले प्रस्तुत गरेको प्रतिवेदन उपर सचिवालयको बैठकमै टिप्पणी, राय, सुझाव, धन्यवाद एवम् आलोचना गर्ने हुनाले बाहिर गरिएका नियोजित हल्ला एवम् अफवाहमा नपर्न अनुरोध गरेका छन्।
गत साउन ३० गते गठन भएको कार्यदललाई भदौ १ गतेको सचिवालय बैठकले अनुमोदन गरेको थियो। कार्यदलले भदौ ६ गते आफ्नो प्रतिवेदन बुझाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
