काठमाडौं- कागेश्वरी मनोहरा सयपत्री टोलकी ३० वर्षीया महिला सामान्य ज्वरो र हल्का खोकी लागेपछि भदौ १ गते मूलपानीस्थित स्वास्थ्य केन्द्रमा स्वाब दिएर फर्किइन्। तीजको चलिरहेको थियो। स्वाब दिएर आएपछि उनमा कुनै लक्षण थिएन। भदौ ४ गते आफ्नै घरमा धुमधामका साथ तीजको दर खाने कार्यक्रम राखिन्।
सहकारीमा काम गर्ने भएकाले सोही सम्बधलाई विस्तार गर्न उनले भोज आयोजना गरेकी थिइन्। ३० भन्दा बढी महिला दर खाने कार्यक्रममा सहभागी भए। तिजको दर खुवाएको भोलिपल्ट भदौ ५ गते उनको रिपोर्टमा कोरोना पोजेटिभ आयो। उनको पोजेटिभ आएपछि वडादेखि नगरसम्म त्रास पैदा भयो।
उनको परिवारको स्वाब वडाले संकलन गर्यो। अनि उनीसँग सम्पर्कमा रहेकाहरुलाई स्वाब संकलनमा आउन खबर गरियो। त्यसपछि उनको सम्पर्क खोज्दै जाने क्रममा परिवारका ५ जना पिसिआर परीक्षणको लागि भन्दै मूलपानी स्वास्थ्य केन्द्र पुगेका थिए।
उनको परिवारमा छोरालाई कोरोना संक्रमण देखिएको कागेश्वरी मनहरा नगरपालिका मेयर कृष्णहरि थापाले बताए। परिवारका अन्य सदस्यमा भने देखिएको छैन। उनको सम्पर्कमा रहेका व्यक्तिको स्वाब संकलन गरिएको तर रिपोर्ट नआएको मेयर थापाले बताए। उनको क्लोज कन्ट्याक्टमा झण्डै ३० जना रहेका छन्। उनीहरूको सोमबार स्वाब संकलन गरिएको छ।
खहरे चोकदेखि विरेन्द्र चोकसम्म सिल
अहिले कागेश्वरी मनोहरा नगरपालिकामा ९६ जना कोरोना संक्रमित भेटिएको छन्। १० जना निको भएर घर फर्केका छन्।
सैलुनबाट फैलियो कोरोना
सुरुमा उक्त क्षेत्रमा एकजना सैलुन सञ्चालकमा कोरोना संक्रमण देखिएको थियो। तराईतिरबाट आएका सैलुन सञ्चालक चेक नगरी बस्दा समुदायमा फैलिएको आशंका नगरपालिकाले गरेको छ। उक्त सैलुनमा धेरै मानिस कपाल काट्न गएको र सैलुन सञ्चालकसहित समुदायका अन्य मानिसमा पनि देखिएपछि उक्त क्षेत्र सिल गरिएको मेयर थापाले बताए।
उनका अनुसार ९ नं वडामा पर्ने खहरे चोकदेखि वीरेन्द्र चोकसम्म सिल गरिएको छ। वडा नं ९ मा मात्रै ४८ जनामा कोरोना देखिएको छ।
कोरोना भाइरसका संक्रमित बढी देखिएपछि काठमाडौं महानगर वडा नम्बर ३२ को सिमाना खहरेचोकदेखि गान्धी स्कुल हुँदै वीरेन्द्रचोक (जगतजंग मार्ग) सम्म आउजाउ निषेध गरिएको नगरप्रमुख थापाले बताए। कागेश्वरी मनोहरामा अहिलेसम्म ९६ जनामा कोरोना भाइरस संक्रमण पुष्टि भएको छ। त्यसमध्ये सबैभन्दा बढी वडा नम्बर ९ मा छन्। वडा नम्बर ९ मा अहिलेसम्म ६ महिला र २५ पुरुष गरी ३१ जनामा कोरोना देखिएको छ।
परीक्षणको दायरा विस्तार
काठमाडौं उपत्यकामा पछिल्लो समय कोरोना संक्रमण तीव्र रुपमा बढेकाले त्यसको असर कागेश्वरी मनोहरामा पनि परेको उनले बताए। नगरपालिकाले कोरोना परीक्षणको दायर बढाएको छ। वडा नम्बर ६, मूलपानीस्थित नगर अस्पतालमा नगरबासीको कोरोना परीक्षण गर्दै आएको छ। नगरबासीको वैशाख १ देखि कोरोना परीक्षण थालिएको थियो।
भदौ ५ सम्म २ हजार ४ सय १४ जनाको पिसिआर १ हजार ३ सय ४४ जनाको आरडिटी परीक्षण गरिएको नगरप्रमुख थापाले जानकारी दिए। नगरप्रमुख थापाका अनुसार १ हजार ६ सय ९१ पुरुष र ७ सय २२ महिलाको पिसिआर गरिएको छ। त्यस्तै ७ सय ८४ पुरुष र ५ सय ६० महिलाको आरडिटी गरिएको छ।
संक्रमित कुन वडामा कति ?
| वडा नं |
संक्रमित |
| १ |
४ |
| २ |
३ |
| ३ |
१ |
| ४ |
१ |
| ५ |
२ |
| ६ |
१० |
| ७ |
२० |
| ८ |
७ |
| ९ |
४८ |
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
