काठमाडौं- पछिल्लो २४ घन्टामा नेपालमा थप ७४३ जनामा कोरोना भाइरसको संक्रमण देखिएको छ।
२४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्। यो सहित नेपालमा कोरोना संक्रमित हुनेको संख्या ३२ हजार ६७८ जना पुगेको छ।
काठमाडौं उपत्यकामा सोमबार २२४ जना कोरोना संक्रमित थपिएका छन्।
हाल संक्रिय संक्रितको संख्या १३ हजार ७ सय १५ छ भने ९ हजार १५४ जना संस्थागत आइसोलेसनमा छन्। ४५६१ जना होम आइसोलेसनमा रहेको मन्त्रालयले जनाएको छ। देशभर १३८ जना संक्रमित आइसियूमा छन् भने १५ जना भेन्टिलेटरमा छन्।
पछिल्लो २४ घण्टाभित्र १० हजार २ सय ३४ जनाको पिसिआर परीक्षण भएको छ। हालसम्म कुल ६ लाख १० हजार ४ सय ६९ जनाको पिसिआर परीक्षण भएको मन्त्रालयले जनाएको छ। निको हुनेहरूको अनुपात भने दिनदिन घट्दो क्रममा भएकाले ५८ प्रतिशतमा झरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
