शेयर बजार निषेधाज्ञामा पनि खुल्ने, न्यूनतम कर्मचारी राखेर ब्रोकर कार्यालय खोलिने

कोरोना अपडेट

नेपाल लाइभ बुधबार, भदौ ३, २०७७ १५:५२

काठमाडौं- काठमाडौं उपत्यकाभित्र स्थानीय प्रशासनले बिहीबारदेखि निषेधाज्ञा जारी गरे पनि शेयर बजार भने खुला हुने भएको छ। यसअघि नेपाल सरकारले चार महिनासम्म लकडाउन गर्दा शेयर बजार पूर्ण रुपमा बन्द भएकोमा यस पटक भने खुला रहने नेपाल धितोपत्र बोर्डका कार्यकारी निर्देशक निरज गिरीले जानकारी दिए।

धितोपत्र बोर्ड, नेप्से, ब्रोकर कार्यालय, सिडिएसीलगायका संस्थाहरुमा न्यूनतम कर्मचारी राखेर शेयर बजार सुचारू गरिने उनले बताए। लगानीकर्ताहरुले पूर्ण रुपमा अनलाइन कारोबार गर्नसक्ने भएकाले बजार बन्द नहुने उनको तर्क छ।

कारोबार राफसाफपछि पैसाको कारोबारका लागि एसिएचएलमार्फत् अनलाइन भुक्तानी गर्न मिल्ने व्यवस्था गरेसँगै अहिले पूर्णरुपमा अनलाइन कारोबार हुने गिरीले बताए। अधिकांश लगानीकर्ताले अनलाइनमार्फत् कारोबार गर्न सक्ने अवस्था रहेकाले बजार खुला हुने नियामकले जनाएको छ।

नेप्सेको पछिल्लो तथ्याङ्कअनुसार अनलाइन प्रयोगकर्ता ४७ हजार नाघेका छन्। तर दोस्रो बजारमा लगानी गर्ने लगानीकर्ताको संख्या भने १३ लाख बढी छ।

प्राथमिक शेयर निष्काशन पनि बन्द हुने छैन। बुधबारदेखि लिवर्टी इनर्जीले प्राथमिक शेयर निष्काशन गरेको छ। बिहीबारदेखि रिलायन्स लाइफ इन्स्योरेन्स र समाज लघुवित्तले प्राथमिक शेयर निष्काशन गर्दैछन्। उनीहरूको प्राथमिक शेयर निष्काशन नरोकिने गिरीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय स्वार्थ र आर्थिक कूटनीतिलाई उच्च प्राथमिकतामा राख्न मिसन प्रमुखहरूलाई परराष्ट्रमन्त्रीको निर्देशन

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव