सिओल- दक्षिण कोरियामा आइतवार मात्रै २ सय ७९ जना नयाँ कोरोना संक्रमित थपिएका छन्। यो संख्या पछिल्लाे ५ महिना यताकै उच्च रहेको कोरियाको रोग नियन्त्रण तथा रोकथाम केन्द्रको तथ्याङ्कमा उल्खेख छ। योसँगै कोरियामा कोरोना संक्रमितको संख्या १५ हजार ३ सय १८ पुगेको छ।
कोरियामा नियन्त्रणमा आइसकेको संक्रमणको दर यो हप्ता भने नाटकीय रुपमा दैनिक दोब्बर रुपमा वृद्धि भइरहेको छ। पछिल्ला संक्रमणहरु अधिकांश कोरियाको राजधानी सिओलमा देखिएका छन्। आइतबार थपिएका नयाँ संक्रमितहरुमा राजधानी सिओलमा १ सय ४६ जना र ख्यङगिमा ९८ जना छन्। त्यस्तै ईञ्छनमा ९ जना थपिएका छन्।
समुदायस्तरमा देखिएका पछिल्ला संक्रमणहरु सउल र ख्यङगी क्षेत्रहरुका चर्चसँग सम्बन्धीत रहेको केन्द्रको भनाई छ। सिओल नगरपालिकाले राजधानी क्षेत्रका सम्बन्धित चर्चहरु केही समयका लागि बन्द गर्न निर्देशन दिइसकेको छ।
यसअघि कोरियामा कोरोना नियन्त्रणमा आइसकेको भन्दै सरकारले प्रभावित क्षेत्रमा बाहेक अन्य क्षेत्रमा सामाजिक दूरी कायम नगरे पनि हुने बताएको थियो। कोरियामा कोरोनाका कारण अहिलेसम्म ३ सय ५ जनाले ज्यान गुमाइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
