सिन्धुपाल्चोक- सिन्धुपाल्चोकको जुगल गाउँपालिकाको लिदीमा गएको पहिरोमा परी ज्यान गुमाउने मध्ये ११ जनाको शव निकालिएको छ। शुक्रबार बिहान गएको पहिरोमा परी ३८ जना बेपत्ता भएका थिए।
अविरल वर्षापछि गाउँमाथिबाट खसेको पहिरोले ३७ घरमा क्षति पुगेको थियो। जसमध्ये १३ घर पूर्णतः पुरिएका छन्। पहिरोमा परेका ३८ जना स्थानीय मध्ये ११ जनाको शव निकालिएको प्रमुख जिल्ला अधिकारी उमेशकुमार ढकालले बताए। अन्यकाे खोजी जारी रहेको उनले बताए। तर भर्खर वर्षा भएका कारण उद्धारमा कठिनाइ भएको उनले बताए।
घटनास्थलमा सेना, सशस्त्र र नेपाल प्रहरी खटिएको उनले बताए। स्थानीयको सहयोगमा उक्त स्थानमा पहिरो खन्ने काम भइरहेको छ। लिदीमा सवारीसाधन पुग्ने बाटो नभएको र हेलिकाेप्टरबाट मात्र उद्धार गर्नुपर्ने भएकाले समस्या भइरहेको उनले बताए।
घटनास्थलमा गृहमन्त्री रामबहादुर थापा पनि पुगेका छन्। यसअघि सभामुख अग्निप्रसाद सापकोटा पुगेका थिए। उक्त क्षेत्र सापकोटाकाे निर्वाचन क्षेत्र पनि हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
