काठमाडौं- ओलम्पियाकोसका डिफेन्डर कोस्टास सिमिकास इंग्लिस प्रिमियर लिग च्याम्पियन क्लब लिभरपुलमा अनुबन्धित भएका छन्।
लिभरपुलले ग्रिसका २४ वर्षीय कोस्टासलाई ११.७ मिलियन पाउण्डमा आफ्नो क्लबमा भित्र्याएको हो। ५ वर्षसम्मका लागि अनुबन्धित भएका कोस्टासले लिभरपुलमा आफू जोडिन पाउँदा गौरव महसुस भइरहेको बताए।
उनले भने, ‘म धेरै खुशी छु। लिभरपुलसँग जोडिन पाउँदा गौरव महसुस भइरहेको छ।’
यता, लिभरपुलका मुख्य प्रशिक्षक योर्गेन क्लोपले भने लामो समयदेखि कोस्टासको खेल पछ्याइरहेको बताए। उनले भने, ‘हामीले कोस्टासको खेल लामो समयदेखि हेरिरहेका थियौं। म साच्चैको खुशी छु, उनी हामीसँग जोडिएका छन्।’
कोस्टास सन् २०१५ मा ओलम्पियाकोस गएका थिए। उनले ओलम्पियाकोसका लागि सबै प्रतियोगिता गरी कुल ८६ खेल खेलेका छन्। उनले गएको सिजनमा ओलम्पियाकोसबाट २७ खेल खेलेका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।