काठमाडौं- विश्वकप छनोटको तयारीका लागि बन्द प्रशिक्षणमा बस्ने राष्ट्रिय फुटबल टिमका खेलाडीको कोरोना भाइरस (कोभिड १९) परीक्षणको लागि स्वाब संकलन गरिएको छ। सोमबार पाटन अस्पतालमा अखिल नेपाल फुटबल संघ (एन्फा) ले आफ्ना खेलाडीसहित अफिसियल र होस्टेल स्टाफको कोरोना परिक्षणका लागि स्वाब संकलन गराएको हो। पहिलो दिन सोमबार ११ खेलाडी दुई टिम अफिसियल र १२ होस्टेल स्टाफ गरी कुल २५ जनाको कोरोना परीक्षण भएको हो।
परीक्षण गर्नेहरुमा प्रशिक्षक किरण श्रेष्ठ र फिजियो आविष्कार पुडासैनी रहेका छन्। खेलाडीहरुमा रञ्जित धिमाल, मिक्चेन तामाङ, विशाल राई, रविशंकर पासवान, दर्शन गुरुङ, विमल राना, दिप कार्की, दिलेन लोप्ताङ, छिरिङ गुरुङ, देवेन्द्र तामाङ र पुजन उपरकोटी रहेका छन्। त्यस्तै बाँकी रहेका २३ खेलाडी र प्रशिक्षकहरुको परिक्षण मंगलबार हुने एन्फाका प्रवक्ता किरण राईले जानकारी दिए। आगामी भदौ १ गतेबाट अभ्यास गराउने लक्ष्यको साथ एन्फाले खेलाडी, अफिसियल, प्रशिक्षक र होस्टेल स्टाफको कोरोना परिक्षण गराउन थालेको हो।
टिमले भदौ १ गतेबाट अभ्यास थाल्दैछ। तर अभ्यासको पहिलो दिनदेखि नै मुख्य प्रशिक्षक योहान कालिनको उपस्थित भने नरहने सम्भावना बढीरहेको छ। कोरोना भाइरसको कारण स्वदेश स्वीडेन फर्किएका कालिन आउन सकेका छैनन्। अन्तर्राष्ट्रिय हवाई उडान ठप्प हुँदा उनी आउन नसकेका हुन्। मुख्य प्रशिक्षक कहिले आउँदै छन्? भन्ने प्रश्नमा एन्फाका प्रवक्ता राई भन्छन्, ‘प्रशिक्षकको आउने इच्छा तीब्र भए पनि हावाई उडान नहुँदा आउन सक्नु भएको छैन। केही दिनमा आउनु हुनेछ।’
बन्द प्रशिक्षणमा खेलाडीको लागि बस्ने, खानेदेखि सबै कुराको ब्यवस्था गरिएको छ। खेलाडीहरु एन्फा होस्टेलमै बस्ने छन्। कोरोना संक्रमणबाट जोगिन राम्रो ब्यवस्था गरेको एन्फाले दाबी गर्दै आएको छ। यो बन्द प्रशिक्षण विश्वकप छनोटअन्तर्गत दोस्रो चरणको बाँकी रहेको खेलको लागि हो। नेपालले विश्वकप छनोटको दोस्रो चरणमा आफ्नै घरेलु मैदानमा तीन वटा खेल खेल्दैछ। असोज २२ मा चाइनिज ताइपेईविरुद्ध खेल्दैछ। त्यस्तै, अस्ट्रेलियासँग असोज २७ गते खेल्ने तालिका छ। दशरथ रंगशालामा नेपालले अन्तिम खेल जोर्डनसँग कात्तिक २७ गते खेल्नेछ।
तस्बिरमा हेर्नुहोस् स्वाब संकलन
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770979298.jpg)
-1764146706.png)
-1770562345.jpg)
