काठमाडौं- कोभिड-१९ का कारण गत आर्थिक वर्ष २०७६/०७७ मा नेपाली वायुसेवा कम्पनीको आम्दानी ६ अर्बले घट्ने अनुमान गरिएको छ।
नेपाल नागरिक उड्डयन प्राधिकरणले चालू आर्थिक वर्ष २०७७/०७८ को बजेट सार्वजनिक गर्दै वायुसेवा कम्पनीहरुको आम्दानी घट्ने आँकलन गरेको हो।
प्राधिकरणले आफ्नो आम्दानी समेत गत आर्थिक वर्ष २०७६/०७७ मा ४ अर्ब ५० करोड ४३ लाख रुपैयाँ भन्दा बढीले कम भएको तथ्यांक सार्वजनिक गर्दै निजी तथा सरकारी वायुसेवा कम्पनीहरुको आम्दानी समेत घट्ने प्रक्षेपण गरेको छ।
प्राधिकरणले साथै कोभिड-१९ का कारण सन् २०२० मा हवाई यात्रु समेत ८० प्रतिशतले घट्ने अनुमान गरेको छ।
सन् २०२० को पहिलो ६ महिनामा आन्तरिक तर्फ ५५ र अन्तर्राष्ट्रिय तर्फ ६१ प्रतिशत यात्रु घटेको जनाएको छ।
नेपालमा अहिले नेपाल एयरलाइन्स, हिमालय एयरलाइन्स, बुद्ध एयर, यती, श्री, सिम्रिक एयरलाइन्स, सौर्य, सिता, तारा र समिट, सिम्रिक एयर (हेलिकोप्टर), मनाङ, मुस्ताङ, एयर डाइनेष्ट्रिक, हेली एभरेष्ट, कैलाश, प्रभु, समिट (हेलिकोप्टर), अल्टिच्युट लगाततकाले हवाई सेवा प्रदान गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751451787.jpg)
-1749826086.png)
