काठमाडौं- अख्तियार दुरुपयोग अनुसन्धान आयोगका १५ जना कर्मचारीमा कोरोना भाइरस संक्रमण भएको पाइएको छ। स्वास्थ्य मन्त्रालय अन्तर्गत इपिडिमियोलोजी तथा रोग नियन्त्रण महाशाखाले पिसिआर परीक्षणका लागि आइतबार अख्तियार परिसरमा राखेको स्वाब संकलन गरिएका उनीहरूकाे रिपोर्ट पोजेटिभ आएको हो।
१ सय ८२ जनाको स्वाब संकलन गरिएकोमा १५ जनामा संक्रमण देखिएको हो। संक्रमण देखिएका सबै सुरक्षाकर्मी भएको अख्तियार स्रोतले जनाएको छ।
अख्तियारबाट प्रहरी प्रधान कार्यालय सरुवा भएका एक सईमा संक्रमण पुष्टि भएपछि अख्तियार कार्यालय परिसरमा कोरोना परीक्षण गरिएको थियो।
अख्तियारका प्रवक्ता तारानाथ अधिकारीका अनुसार, स्वाब परीक्षणका लागि दिइएको भएपनि त्यसको नतिजा आएकोबारे औपचारिक जानकारी सार्वजनिक नभएको उनले बताए। ‘केहीलाई देखिए छि उहाँहरुको कन्ट्याक्ट ट्रेसिङ गर्ने र त्यसअनुसार थप अरुको पनि परीक्षण गरिन्छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
