नयाँ दिल्ली- भारतमा कोभिड- १९ संक्रमितको संख्या १८ लाख नाघेको छ। पछिल्लाे २४ घण्टामा भारतका ५२ हजार ९७२ जनामा कोरोना भाइरस पोजेटिभ देखिएपछि कूल संक्रमितको संख्या १८ लाख ३ हजार ६९६ पुगेको केद्रिय स्वास्थ्य मन्त्रालयले सोमबार जानकारी दिएको छ।
भारतमा पछिल्लाे २४ घण्टामा कोरोना भाइरसको संक्रमणका कारण ७७१ जनाको मृत्यु भएपछि कूल मृतकको संख्या ३८ हजार १३५ जना पुगेको छ। सरकारी अधिकारीका भारतमा कोरोना भाइरस संक्रमितमध्ये एघार लाख ८६ हजार २०३ व्यक्ति निको भएर फर्किएका छन्। हाल भारतमा पाँच लाख ७९ हजार ३५७ जना कोरोना भाइरस संक्रमित अवस्थामा रहेका छन्।
भारतको महाराष्ट्र सबैभन्दा बढी प्रभावित राज्यका रुपमा रहेको छ। हाल महाराष्ट्रमा एक लाख ४८ हजार ८४३ जना संक्रमित अवस्थामा नै रहेका छन् भने १५ हजार ५७६ व्यक्तिको मृत्यु भइसकेको छ। महाराष्ट्र कूल चार लाख ४१ हजार २२८ व्यक्तिमा कोरोना संक्रमण देखिएको थियो।
कोरोना भाइरस प्रभावित भारतको दोस्रो राज्य तमिलनाडूमा ५६ हजार ९६२ संक्रमित अवस्थामा रहेका छन् भने चार हजार १३२ जनाको मृत्यु भएको छ। राजधानी सहरसमेत रहेको दिल्ली राज्यमा दश हजार ३५६ जना संक्रमित अवस्थामा रहेका र चार हजार ४० जनाको मृत्यु भइसेकेको छ। दिल्लीमा एक लाख २३ हजार ३१७ व्यक्ति कोरोना मुक्त भएका छन्।
(रासस-एएनआइ)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
