तस्बिर : नयाँपत्रिका
पाँचथर- पाँचथर सदरमुकाम फिदिम बजार आएर घर फर्कँदै गरेका फिदिम नगरपालिका ११ सेजेपाका ८२ वर्षीय हरिप्रसाद श्रेष्ठको पहिरोमा परी मृत्यु भएको छ। आइतबार बेलुका आफन्तकोमा बास बसेर बिहान घर जान भनि हिँडेका उनको सेजेवा भिरमा झरेको ढुँगाले लागेर मृत्यु भएको हो।
पाँचथर प्रहरी प्रमुख सिद्धराज न्यौपानेले उनले ज्यान गुमाएको प्रकृति हेर्दा पहिरोमा परेको प्रारम्भिक अनुमाग गरेको बताए। उनकाे माथिबाट ढुँगा झरेर लागेपछि मृत्यु भएको हो। घटनाका विषयमा थप अनुसन्धान सुरु भएकाे उनले बताए।
श्रेष्ठको शव पोष्टमाटमका लागि सदरमुकाम पठाइएको छ।
बाढीले तीन वटा विद्युतीय आयोजनमा क्षति
सेजेपा क्षेत्रमा गएरातिको पानीले बाढी आउँदा विद्युत् आयोजनामा पनि क्षति भएको छ। बाढीका कारण सेजेपा क्षेत्रमा सञ्चालनमा रहेका ३ वटा आयोजनाको विद्युत् उत्पादन रातिदेखि नै बन्द भएका छन्।
फेमे खोला साना जलविद्युत् आयोजना, बिके हाइड्रो पावरका दुई आयोजना गरी तीन वटा आयोजनामा क्षति पुगेको हो। क्षति भएका आयोजनामध्ये फेमे खोला साना जलविद्युत् आयोजना ९ सय ९८ किलोवाट र बिके हाइड्रो पावरका १ सय ५० र २ सय ४० किलोवाट उत्पादन बन्द भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791596882.png)
-1786602170.png)
-1791562069.png)
