काठमाडौं- मकवानपुरस्थित भीमफेदी कारागारबाट फरार भएका कर्तव्य ज्यान मुद्दाका दोषी समातिएका छन्।
२० वर्ष कैद सजाय भुक्तान गरिरहेका ती कैदी कारागारबाटै फरार भएका सुनसरी रामधुनी नगरपालिका-७ का २५ वर्षीय कुलदीपराज धामीलाई जिल्ला प्रहरी कार्यालउ मकवानपुरले पक्राउ गरेको हो।
उनी २१ वर्षको रोजिन गुरुङलाई हत्या गरेको आरोपमा २० वर्ष कैद सजाय भोग्दै आएका थिए। कैद भुक्तान गरिरहेका बेला उनी गत वर्षको मंसिर ३० गते कारागारबाटै फरार भएका थिए।
फरार धामीलाई कञ्चनपुरबाट चितवनतर्फ आउँदै गरेको बेला पूर्वी नवलपरासी देवचुली नगरपालिका-१६ रजहर पुलछेउबाट शनिरबार पक्राउ गरिएको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।