काठमाडौं– दक्षिण अफ्रिकी क्रिकेट टिमले वेस्ट इन्डिज र श्रीलंकासँग खेल्ने भनिएको सिरिज अनिश्चित समयका लागि स्थगित भएको छ। क्यारेबियन प्रिमियर लिग (सिपिएल) र इन्डियन प्रिमियर लिग (आइपिएल)का कारण सिरिज स्थगित भएको हो।
वेस्ट इन्डिजसँग दुई टेस्ट र पाँच टी ट्वान्टी साथै श्रीलंकासँग तीन एकदिवसीय र तीन टी ट्वान्टी खेल्ने तय भएको थियो। वेस्ट इन्डिजसँग जुलाई र अगस्टको समयमा साथै श्रीलंकासँग जुन १५ सम्मको तालिकाअनुसार हुने भनिएको खेल कोरोना माहामारीका कारण स्थगित गरिएको क्रिकेट साउथ अफ्रिकाले जनाएको छ।
क्रिकेट वेस्ट इन्डिजका प्रमुख कार्यकारी जोन्नी ग्रेभले सेप्टेम्बरमा दक्षिण अफ्रिकासँग पाँच टी ट्वान्टी र दुई टेस्ट खेल्ने गरी तयारी गरिएको बताएका थिए। तर, सिपिएलका कारण त्यो पनि सम्भव नभएको बताइएको छ। सिपिएल सेप्टेम्बर १० मा सकिँदैछ भने त्यसपछि आइपिएलले समय लिग्नेछ। आइपिएल युएईमा सेप्टेम्बर १९ मा सुरु हुने बताइएको छ।
विश्वका अरु देशको तुलनामा श्रीलंका र वेस्ट इन्डिजमा कोरोना संक्रमणको दर कम भएको भएपनि फ्रेन्चाइज क्रिकेट लिगहरुका कारण महत्वपूर्ण सिरिज हुन नसकेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
