काठमाडौं- नेपाल पर्यटन बोर्डको कार्यकारी अधिकृत (सिइओ) डा. धनञ्जय रेग्मीले सतर्कता अपनाएर पर्यटन व्यवसाय सञ्चालन गर्नुपर्ने बताएका छन्।
विश्वव्यापी बनेको कोरोना भाइरसका कारण धरासायी बनेको पर्यटन क्षेत्रलाई सुरक्षा मापदण्ड अपनाएर अगाडि बढाउनुपर्ने डा. रेग्मीले बताए। १४ दिनसम्म क्वारेन्टाइनमा बस्नेगरी कुनै पनि पर्यटन नआउने कुरालाई मध्यनजर गर्दै द्रूत गतिबाट कोरोना परीक्षण गर्ने वातावरण बनाउनुपर्ने उनको भनाइ छ। द्रूत गतिमा कोरोना परीक्षण गरी ३ दिन होल्डिङ सेन्टरमा राख्ने र कुनै लक्षण नदेखिए घुम्न पठाउने व्यवस्था मिलाउनुपर्ने उनले बताए।
चाइनिज टु र अपरेटर्स एलाएन्स नेपाल घोषणा कार्यक्रममा बोल्दै उनले भने, ‘द्रूत गतिमा कोरोना परीक्षण गरी ३ दिन होल्डिङ सेन्टरमा बस्न लगाउने। लक्षण नदेखिएमा घुम्न पठाउने। १४ दिनयता १४ दिन आफ्नो देश फर्केर क्वारेन्टाइनमा बस्नुपर्ने अवस्थामा कसरी घुम्न आउँछन् पर्यटक?’
नेपाल र चीनबीचको दौत्य सम्बन्ध कायम भएको ६५ वर्ष पुगेको अवसरमा चाइनिज टुर अपरेटर्स एलाएन्स अफ नेपाल घोषणा भएको छ। नेपालमा आउने चिनियाँ पर्यटकहरुलाई प्रदान गरिँदै आएका सेवाहरुलाई प्रभावकारी बनाउने उद्देश्यले एलाएन्स घोषणा गरिएको हो। २५ जना सदस्य रहेको एलाएन्सले विगतमा चिनियाँ व्यवसाय सञ्चालनको क्रममा भएका कमी कमजोरीलाई सच्याउँदै अगाडि बढ्ने उद्देश्य राखेको छ।
नेपाली टुर एण्ड ट्राभल्स व्यवसायीहरुको छाता संस्थाको रुपमा गठन गरिएको एलाएन्सको संयोजकमा विश्वेस श्रेष्ठ रहेका छन्। अन्य बोर्ड सदस्यहरुमा वरुण मेहता, कल्याण राज शर्मा, पुष्कर राज पाठक र हरिप्रसाद पराजुली रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
