काठमाडौं- भदौ १ गतेबाट आन्तरिक उडान सेवा शुरु हुने भएसँगै बुद्ध एयरले उडानको योजना सार्वजनिक गरेको छ। कोरोना संक्रमणको जोखिम न्यूनीकरणका लागि चार महिना भन्दा लामो समय स्थगित भएको आन्तरिक उडान सेवा भदौ १ गतेबाट सुरु हुने र सोही दिनबाट लागू हहुने गरी दैनिक २१ उडान गर्ने बुद्ध एयरको योजना छ। उसले देशका १३ गन्तव्यमा उडान गर्ने योजना सार्वजनिक गरेको हो।
बुद्धले सबैभन्दा बढी काठमाडौं-पोखरा उडान भर्दै आएको थियो। तर नयाँ योजनाअनुसार काठमाडौ-पोखरा, काठमाडौं-भरतपुर र काठमाडौं-विराटनगर समान तीन तीन वटा उडान गरिनेछ। यस्तै भैरहवाका लागि २ उडान भर्ने बुद्धको योजना छ।
जनकपुर, सिमरा, नेपालगञ्ज, धनगढी, तुम्लिङटारका लागि भने काठमाडौंबाट एक एक उठान हुनेछन्। विराटनगर-पोखरा र भैरहवा-पोखरा पनि एकएक उडान गर्ने योजना रहेको बुद्धले जनाएको छ। यसैगरी बुद्धले तुम्लिङटारबाट विराटनगर पनि दैनिक एक उडान गर्ने भएकाे छ।
सरकारले भदौ १ देखि आन्तिरक र बाह्य उडान सेवा संचालन गर्ने यसअघि नै सार्वजनिक गरिसकेको छ। तर कोरोना संक्रमणको जोखिम न्यूनीकरण गर्न एक घण्टामा बढीमा ३ सय जनाले मात्र सेवा पाउने गरी विमानस्थलले व्यवस्था गर्नुपर्ने बताइएको छ। सुरक्षाका सबै मापदण्ड पालना गर्दै हवाई उडान सेवा सुरु गरिने नागरिक उड्डयन प्राधिकरणले जनाएको छ।
यस्तो छ बुद्धको उडान योजना
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
